Oshana tashi longekidha uudhano waamati yoU-17

0
22

SHIPI ELAGO

OSHAKATI-Iitopolwa ine yokoNooli oya tegelelwa yi ka kuthe ombinga muudhano wetanga lyokoompadhi ndyoka tali longekidhwa koshimpungu shomapendulepo gomaudhano mOshana ehuliloshiwike tali ya pokapale koIndependence mOshakati.

Uudhano mboka wa unganekwa koongeshefa dhOmusati Construction mewiliko lya Olavi Iita owa tegelelwa wu ka ete aagundjuka ya za kiitopolwa ine, pamwe noku dhana mwaashoka ha shi ithanwa Round Robin ano moka kehe oshitopolwa ta shi ka dhana noshikwawo .
Omuwiliki guudhano mbuka Alex Iitumba ye oye wo omudheuli gwosipana yOshana okwa ti ,otonamende ndjka oya egulukila ashike aamati mboka yena omimvo 17 nokuya pevi nomaishangitho oga patuluka nale.

Okwa ti otonamende ndjika otayi kala hayi dhana omumvo kehe na oyena edhilaadhilo opo yi koke nondjodhi oyo ndjoka okumona iitopolwa ayihe moshilongo tayi kutha ombinga monakuyiwa ashike nuumvo iitopolwa ashike ine yokoNooli ya ithanwa.

“Elalakano oku eta aamati pamwe yo yi ilonge etanga manga kuyele yo ya tseyathane nokwi ilonga nkene oompango dhetanga dhina okulandulwa, okulonga aadhani nkene yena okukala aadhani tanga aawanawa noku ilonga nkene ye na oku ihumbata nawa,” Alex ta ti.
Uudhano mbuka owe ya pethimbo ewaanawa unene tuu sho iitopolwa ayihe moshilongo yi ipyakidhila okwiilongekidhila ekopi lyoSkorpion Zinc ndyoka ta li kakalako kuyele muSeptemba onkene otonamende ndjika otayi ka kwathela iitopolwa yokoNooli opo yi ka adhike nale ya longekidha oosipana dhawo.

Omusindani muudhano mbuka otaka yambula po okapandi N$ 1500, eembandi 20 dhoshingoli,nekopi.
Omusindani omutiyali ota ka pewa okapandi ko N$ 1000, noombandi dhoshisiliveli 20, omanga ngoka te keya puutitatu taka pewa ooN$750, noombandi dhoshikushu.

Kehe oshitopolwa osha tegelelwa shi ka holoke momuzalo gwolwaala ndoka ya pewa, moka Oshana tashi ka kala molwala lwasho ndoka olutiligane, Omusati olwaala oluzizi, Oshikoto olwaala olushunga shomayi, omanga Ohangwena ta yi ke ya molwaala olumbundu.
Alex okwa indile oosipana opo dhi simaneke ethimbo , uudhano owa tegelelwa wu ka kale wa ya mokapale m0lyomakaya yomilongo 26 Auguste nuumvo.

LEAVE A REPLY

Please enter your comment!
Please enter your name here