Oshipala shehuliloshiwike omaudhano

0
18

SHIPI ELAGO

Aaholi yomaudhano koombinga noombinga oombwa dha kwata odheni oshoka ehuuliloshiwike ndika omaudhano gayooloka ogendji onkene tala mokakolo kaKundana komaudhano wutale ngoka ge ku opalela.

MENI LYOSHILONGO
Oongonyo
Aanamibia oyendji otaya ka kala pooTV okutala uudhano wopandjokonona muuyuni auhe sho Julius “The Blue Machine” Indongo ta kaya mondambo naTerence Crawford gwaAmerica koongulasha dhoSoondaha ndjika muudhano mboka wa tengenekwa tawu tameke pombali yokoongula sha.
Aambokisi mbaka oya tula omapaya gawo guuyuni kehe gumwe gaali kombinga muudhano mboka wuna oshimaliwa shakonda pomamiliona omulongo gaAmerica, uudhano mbuka wo ku tula omapaya poshitaafula ohawu ithanwa kaatakumi taya ti Unification na oshi li sha pumba nayi oshoka osha ningilwe ashike muuyuni wooMohammed Ali. Kundana ota halele Indongo esindano ndyoka tali ke mu ninga enyakwa lyuuni dhingi.

Okatanga kokoompadhi
Osipana yaNamibia Brave Warriors otayi kaya mondambo nosipana yopashigwana yaComoros medhingoloko etiyali lyuudhano wo CHAN moka Namibia a li a dhengwa ehuuliloshiwike lyaziko 2-1 onkene Namibia okwa pumbwa okusindana ehuliloshiwike ndika. Ngele Namibia okwa sindana 1-0 nena Namibia okwa dhengamo Comoros ashike ngele okwa sindana 2-1 nena eyalulo otali ka kala li thike pamwe 2-2 , ngele Comoros okwa tula mo okoola nena Namibia okwa pumbwa a sindane nookoola odhindji.
Namibia VS Comoros : Ethimbo 15:00 , Osoondaha ,Okapale Sam Nujoma stadium Windhoek.

PONDJE YOSHILONGO
English Premier League
Oliha ndjoka yiholike koyendji moNamibia na oyina aalanduli oyendji muuyuni oya li ya tameke ehuuliloshiwike lyaziko na otayi tsikile ehuuliloshiwike ndika wo Chelsea ngoka e li oye enyakwa lyoliha ndjika okwa li a pitilwa nondhimbo yomomukala kosipana yo Burnley 3-2 omanga Liverpool naye okwa li ena etameko edhigu konima sho a li zi koshakapalu noku dhana shithike pamwe nosipana yo Watford City. Arsenal naye okwa li a ningwa esosamunona kuLeicester City konima sho a li ta dhengwa nookoola 3-2 ashike ookoola dha Arno Ramsey naOlivier Geroud mominute dha hugunina odha li dhemukutha kondungu yegonga.

Oshipala sholiha yaaYingilisa
Olyomakaya:
13:30 Swansea City vs Manchester United
16:00 Leicester City vs Brighton& Hoven Albion
16:00 Liverpool vs Crystal Palace
16:00 Burnley vs West Bromwhich Albion
16:00 AFC Bournemouth vs Watford
16:00 Southampton vs West Ham United
18:30 Stoke City vs Arsenal
Osoodaha:
14:30 Huddersfield Town vs Newcastle United
17:00 Tottenham Hotspur vs Chelsea

Omandaha:
21:00 Manchester City vs Everton
Oliha ya Spain nayo wo otayi tameke ehuuliloshiwike ndika moka Real Madrid ta ka tameka olugodhi okugamenena po ekopi ndyoka a li a sindanapo omvula ya ziko yokatanga, Barcelona oti ilongekidhile onkalamwenyo ye yaana Neymar.
Osoodaha :
20:15 Barcelona vs Betis
22:15 Deportivo La Coruna vs Real Madrid
Oliha ya Absa nayo ota yi tameke nena
Etitano:
Bidvest Wits vs Cape Town City FC
Olyomakaya:
15:00Super Sport United vs Mamelodi Sundowns
15:00 Polokwane City vs Baroka FC
15:00 Amazulu FC vs Free State Stars
18:00 Orlando Pirates vs Chippa United
20:15 Ajax Cape Town vs Golden Arrows
Osoodaha:
15:00 Bloemfontein Celtic vs Kaizer Chiefs
15:00 Platnum Stars vs Maritzburg United

LEAVE A REPLY

Please enter your comment!
Please enter your name here