Popeti omuhikingalo a pumbwa eyambidhidho

0
22

SHIPI ELAGO

OSHIKANGO-Albertine Popepi Shivolo oye omwiimbi omuNamibia ngoka ena oshitalenti shoku shanga noku hika iihikomwa, ashike nguka ota nyengwa okupititha iihikomwa ye molwompumbwe yoshimaliwa.

Albertine okwa ti okwa fuulwa koongalo dhomuhikingalo dhopambepo nakusa Gift.
Omukadhona omugundjuka okwa shanga omayimbilo geli 12 na okwa pumbwa ashike omunamutimahenda ngoka te mu pe oshimaliwa opo oalubuma ye yi ze mo miipakete. Onda kala noku kondja ethimbo ele ashike inandi mona ngoka ta vulu okukwathela ndje. Ongundu yiihikomwa ye mbyoka kumwe yili omulongo niiyali okwa ti omuna eimbilo lyePsalm 23, “okangalo haka ota ka opalele aantu ayehe aanene naashona na ota ka kala oko ta ka pangele oAlbuma ndjika ngele oya ka pita,” Albertine ta popi ye ti imemeha shono ta shi ulike kutya ongalo ndjika ombwanawa.

Ashike Albertine ina kuutumba owala a tegelela omukwashilipaleki ashike ota longo wo nuudhiginini opo a gongele oshimaliwa okuza kondjambi yiilonga mbyoka ha longo nando okwa ti ihamono naana iyemo yothaatha.

Okwa ti ohandi tula ngaa kokambo kandje komapungulo opo ngele inandi mona ngoka ta kwashilipaleke omaimbilo gandje nena pamwe otandi keshi ninga ashike ngaye mwene nando oshipule ndje oomvula dhontumba.

Albertina ngoka a yambukile komukunda Okapya mOndangwa okwa ti okwiimba oshitalenti shi li mombizi ye na ita vulu nande a kale inaa imba monkalamwenyo ye.

Okwa ti okwiilongekidha okwiimba naahiki ngalo moNamibia yalwe unene tu miihikomwa ya nika uukwambepo.
Albertine oku uvite kutya aahikingalo oyena oshinakugwanithwa oshinene opo ya gandje omatumwalaka taga tungu moshigwana oshoka olwindji aantu mboka taya kala yehole oongalo dhoye olwindji ohaya kala yu uvite kutya kehe shoka tashi zi mokana koye oshi li mondjila nongele aahikingalo ina ya dhinda nawa iihikomwa yawo nena ota shi vulika yi teyepo oshigwana unene tuu epipi eshona.

Okwa ti moalbuma ye omuna omatumwalaka ga yooloka unene tu ga nuninwa aanyasha ngaashi elongitho nayi lyiikolitha, uumbudhi, uufuthi, naayihe mbyoka yi na ompinge niipango omulongo yaKalunga.

Ota indile wo aanyasha yoshilongo shetu mboka kaayena iilonga opo yaa kale ashike ya kuutumba ashike ya kale taya longitha iitalenti mbyoka omushiti eya pa omagano opo ya nawapaleke oonkalamwenyo dhawo uuna itaa ya vulu okumona iilonga palwe.

Ta tsikileko wo ta ti kehe omuntu okwa valwa ena oshitalenti shontumba nongandi ngele ito hambudha nena panga.
Albertine okuna omukumo kutya limwe lyomomasiku oalbuma ye onayi ka uvika muukololo auhe waNamibia nosho wo muuyuni .
Okwa ti edhina lyoAlbuma ye oli li natango momadhiladhilo ge onkene na ote ke li tseyitha owala ngele oalbuma ya tulwakumwe.

LEAVE A REPLY

Please enter your comment!
Please enter your name here