Indongo natango enyakwa Indileni ta ti

0
131

SHIPI ELAGO
ONGWEDIVA

Omapandja gosocial network oga li gi ipyakidhila okuza ongula yOsoodaha ya zako konima sho omudhengingonyo omuNamibia Julius “The Blue Machine Indongo a li a dhengwa yimwe nomiiyagaya kuTerence Crawford omwaAmerica noku kanitha omapaya ge gaali ngoka a li a tula poshitaafula. Oyendji mboka ya li ya kala nokushanga komapandja gawo gwoFacebook noTwitter oya li ta ya ulike oku uva nayi kwawo molwashoka Indongo okwa li a sindika.

Yamwe oya li noku li ye wete kutya pamwe okwa gandja po uudhano mbuka pamukalo gwombiliha oshoka anuwa okangonyo hoka a li a dhengwa oka li ta ka monika ka fa ka nathangwa. Ashike Indileni Iipinge ngoka e li omuyambidhidhi gwa Blue Machine na gumwe gwomokamwaalu okashona hoka ka li ka yi kuAmerica ya ka gandje eyambidhidho yo ya tale andola ngele genongo ota ga fe tuu gongombe, okwa li a kutha Indongo kondungu yegonga ta ti Indongo natango enyakwa nando a li a kanitha uudhano mbuka “Kandiwete Indongo a kanitha oshoka paungame mwene ondiwete kutya oku li ashike a ninga ondjokonona, oshoka shoka a ninga ina shi ningwa mo nale moNamibia nomuAfrika alihe koonono oku eta po uudhano wopamuthika gwopauyuni moUSA nokuli, uudhano mbuka owa eta Namibia mokaalita kuuyuni.

Kepulo kutya ngele Indongo okwa li a yi muudhano mbuka a tila Iindileni okwa ti aaye kapuna iinima yili ngaaka oshoka konima yuudhano Indongo okwa li a halele Crawford omahalelo yambeko mesindano lye na Crawford okwa li a yi kondunda ya Indongo konima yethimbo okumu halela olweendo olwaanawa okushuna kuAfrika, onkene shika otashi ku ulikile nkene aambokisi mbaka yaali yena esimanekathano. Kepulo ishewe kutya Indongo okwa li a ningi epuko lya shike Iindileni okwa li a yamukula nondjungu kutya mobokisa kehe omudhani oha umbu oongonyo nongele ongonyo ya gumwe oya kwata nena owa tegelela omuBokisi a ye pevi ina shi tegelelwa.

Ta ti Crawford okwa li ashike uumbu ongonyo ndjoka ya li ya kwata Indongo meendelelo nokugwa po , ashike Indongo naye okwa li ta vulu okuninga ngaaka.

Iipinge ota indile aaNamibia opo ya ngungumane oshoka Indongo ha ye awike omuBokisi gwotango ta kanitha uudhano watya ngeyi , na ishewe osho shoka kutya aabokisi oyendji oya li yiitoola po pevi konima yoku kanitha uudhano nokutsikila ya ka ninge omanyakwa guuyuni. Okwa li wo twa pula Iindileni kutya ngele ethimbo olya li ngaa lyoopala okukondjitha Crawford nenge uudhano mbuka owa li we ya kuyele unene? “ Tala Iindongo okwa li a yi koRussia na okwa li a ziko nepaya,Indongo okwa li a yi koScotland noku dhenga Ricky Burns omolwashike ina ku popiwa kutya okwe ya dhenga kuyele,” Indileni ta ti.

Iipinge okwa ti okwa li a yi ko USA ongo omuyambidhidhi guudhano woBokisa naka li mosheendo sho Sunshine.
Indongo okwa li wo a yambidhidhwa komuPresidente gwaNamibia Dr Hage Geingob sho a li a shanga koTwitter kutya konima yokusindika okuna natango onkalamwenyo na Indongo ota vulu oku ipendula po noku ninga enyakwa lyuuyuni natango.
Uudhano mboka wo ku tula omapaya poshitaafula owa li wa ethiwa nale konima sho wa li wa dhanenwe ku Evander Holyfield na Lennox Lewis muMaalitsa 1992.

LEAVE A REPLY

Please enter your comment!
Please enter your name here