Mukapuli, a pandula ewapaleko lomaendo

0
40

Tuulikki Abraham
Lüderitz

Meya wodoolopa yaLüderitz Hilaria Mukapuli, okwa pandula ovakalimo vomodoolopa yaLüderitz eshi va nyamukula eingido lelelo lodoolopa oku ka wapaleka omaendo makulu moBenguela. Meya Mukapuli okwa pandula shinene eshi ovanhu va dulika keshiivo olo lo kukawapaleka omaendo omomukunda wa Benguela moLuderitz. Eshiivo eli ola ufana ovanhu, opo vaka waimine oshikonga shokuwapaleka omaendo, Olomakaya la djako. Meya okwa holola olupandu lae eshi ovakalimo vo moLüderitz, va nyamukula keingido lelelo lodoolopa, nokuholoka momuvalu munene.Ou okwali wa kwatela mo ovakulunhu novanyasha. Mukapuli okwa holola enyeme lae, omolwovakali mo momaumbo, oo a dingilila onhele yomaendo oo, eshi hava ekeleshi oimbodi yavo momaendo, nokutila omeva onyata koitutumbo yoonakufya.

Okwa ti hae aeke a nyematela oshinima eshi, ndele novakwashiwana vahapu ovo vali vakufa ombinga mokuwapaleka omaendo, ova holola yoo oku uda nai kwavo koshinima eshi, shoku ekela omeya onyata koitutumbo yoo nakufya. Mukapuli okwa tumbula kutya, omaumbo aeshe konyala oo a dingilila onhele yomaendo aa omaumbo ena oundjuo, na okwa indile opo oovene vomaumbo oo, vaxulifepo omukalo woku ekela oyeekelwashi yavo monhele yomaendo. Okwa ninga endilo opo oovene vomaumbo oo eli ponhele opo, ndele ova idilila ovanhu, ovo va dengela eebashu momaluumbo avo, va yandje elondwelo loundjolowele, ko va idililwa, vakale nokulandula omulandu woundjolowele, noukoshoki.

Mukapuli okwa udaneka kutya, elelo lodoolopa yaLüderitz otali ka yandja yoo eembapila de londwelo koovene vomaumbo oo a dingilila omaendo, opo ovo tava ka hangika itaa ve li ufa komilandu doukoshoki, otava ka handukilwa. “Oundjolowele noukoshoki oshinakuwanifwa shomukwashiwana keshe,” Mukapuli a ti. Okwa indila ovakalimo vomodoolopa opo keshe oo taka hanga onhele, ya kaka, ei lopote kelelo lodoolopa,

Opena ovanailonga velelo ovo hava wapaleke momalukanda, onghene Mukapuli okwa indila opo ovakwashiwana ve va yambidide yoo opo oukoshoki, ukalekwe po modoolopa.

LEAVE A REPLY

Please enter your comment!
Please enter your name here