NCCI a popi kombinga yeshunithwo pevi lyoshilongo

0
17
WINDHOEK, 07 March 2017 - Chief Executive Officer of the Namibia Chamber of Commerce and Industry, Tarah Shaanika addressing business leaders in Windhoek. (Photo by: Francois Lottering) NAMPA

Tarah Shaanika

Ehangano lyaanangeshefa olya taamba omatumwalaka ogendji okupitila momalungula osho wo oongodhi okuza kiilyo yalyo tayi pula epulo limwe, Kutya iilanduli yetulwopevi momuthika gwaNamibia gwoku inekelelwa omikuli oyo yini naanaa?
Tse otwa tala ko nesimaneko etulwopevi lyaMoody ongo oshinima shaana oshilonga , sho ndika lya kankamekelwa kuuyelele wa kulupa.
Utya omalandithilo gopashimaliwa inaga ipulilako keshunitho pevi ndyoka, no twa ndhindhilike einyengo momikuli lya nenepala niitsa yili pokati ka 4 sigo 6 pethimbo aapunguli ya konene onkundana ndjoka.

Ihe otwa koneke wo kutya einyengo ndika otali ngungumana. Osha simana wo oku koneka kutya nonando einyengo ndika olya nenepala pandjokonona oku inyenga kwomikuli olundji okwa tameka piitsa 50 oku uka piitsa 100 okuza petameko lyomumvo nosho wo lya ya pombanda sigo opiitsa 130 okutameka mu Januali 2016. Shika osho omutalelo gwaagandji yomikuli ngele tashiya kombinga yepangelo lyaNamibia.
Kokutya aagandji yomikuli oyena einekelo lya kola ngiini kutya epangelo otali vulu tuu okushunitha oongunga ndhoka lya indile, uuna ndhoka dha thikana okushunithwa. Onkalo yuutile kutya ngiika Namibia otashi vulika a ka kale ta nyengwa okushunitha omikuli dhe oya hwepopala okuza muJanuali 2016.

Pakutala kwetu kakele keindjipalo mondjele yopokati koongunga dhopondje okudhiyeleka niimaliwa yopondje moompungulilo dhaNamibia, omatompelo ga gandjwa kuMoody okushunitha omuthika gwaNamibia pevi oshinima tashi lyalyakanitha no tashi holoka sha longwa pwaana uuyelele wa gwana. Ehokololo ningomwa lyawo olya fa lya kankamekelwa keitaalo kutya Namibia oshilongo shina omahupilo giikwatelela ashike konzo yimwe onkene shika osha nika wo okukala shaana engungumano lyopapolitika. Omafatululo gaMoody ogeli kokule noshili.

Onkene Namibia ita vulu okutalika ko ongo oshilongo itaashi vulu oku inekelwa ando moku shunitha omikuli dhasho kwaamboka sha hehela
Onkene okushunwa pevi hoka taku vulu okupulakenwa oohoka ashike kwa etwa komalandithilo hoka oko haku indilwa nenge haku liwa oongunga koshilongo.Okuyelekwa komahangano gena sha nomikulu okwa simana unene tuu sho omayeleko gawo ga tungilwa momilandu dhopashimaliwa kaakondololi yomilandu dhopashimaliwa.Ndele okushitala muule shoka sha simana ooshika kutya omahala ngoka ogo haga gandja omikuli ogo taga ka utha kutya oshilongo otashi tulwa pondondo yini ngele tashiya pomuthika goku inekelelwa oongunga nenge omikuli. Uuna omahangano ngaka ga ti oshilongo otashi shunithwa pevi nenge otashi kala pomuthika mpoka shi li nena mbaka oyo ayeke taya vulu okupulakenwa. Omalanditho gomikuli otaga ningi omakonakono gago gene kombinga yomikuli na ogo taga ningi eshunopevi lyomikuli wo g,ogene, kokutya ngele oge wete pena uunyengwi mokushunitha omikuli nena go otaga ka yelutha iihohela mbyoka yi na okufutwa uuna oshilongo tashi shunitha oongunga dhasho shika otashi ningwa ashike uuna ndoka onkalo ya nayipala lela.

Oshilanduli sheshunitho pevi ooshoka ashike shomaipulo getu , kutya ngaaka tse katu shi shoka tashiya.Onkene shoka inaashi tseyika otashi kala ashike ngaaka oshinima shaa shiwike.Omuthika gwepungulo molupe lwoongunga dhepangelo ogo omukanka gwomaalaka yiimaliwa kehe nuuna nguka gwi inyengithwa nena einyengo ndika ohali inyengitha wo iinima yilwe. Iilanduli inaa yi halika ohayi halutha.Ndele monkalo ndjika tuli nomakankameno gewiliko lyoshimaliwa osho wo engungumano momahupilo moshilongo, Namibia oshilongo shimwe shoka shina omuthika guupunguli muuyuni okushitalela mondondo yasho yoongunga kuunene wiilikolomwa yasho ayihe moshilongo nenge GDP ngoka guli pooperesenda 43. Ndele shika itashi ti kutya kapena omahala ngoka ga pumbwa okuhuepopekwa kaaningi yomilandu yetu.

Ngele itashi ningwa nena osha fa omuntu a lika keyoka na okwa tala ashike mpoka pwa lika pehala lyoku konga eyoka eli dhipage Onkene inashi pumbiwa okutya katuna uupyakadhi wokukondjitha oluhepo nokwaathike pamwe. Oshinima shimwe ooshika kutya eshunopevi ndika nali tu papudhule moomposi opo tu talulule oondungethaneko dhetu kombinga yokulya omikuli.Okupopya oshili ooshika kutya okumbalipaleka oongunga dhaNamibia nomahangan gopondjemeni lyomimvo ndatu netata otashi talika ko oshinima inaashi dhiladhilwa nawa.

Unene tuu ngele owa tala ekoko lyoongunga dhopondje okuza powala noku ya sigo okoodola oobilliona 22,5 mwa kwatelwa wo nomukuli gwooranda oombiliona ndatu ndhoka dha hehelwa okuza koAfDB. Shika otashi gandja omaipulo unene tuu sho omahupilo ga Namibia ongushu yago yili ashike oodola oobilliona 150 na ishewe iimaliwa yokiilongo mbyoka oshilongo hashi vulu okukala sha pungula oyo ashike oobilliona dhoodola 25. Onkene onkalo ndjika otayi etitha omaipulo unene tuu sho twafa inaatu simaneka eutho lyokukala nomuthika gwongunga gwo80:20. Kokutya oongunga odhindji nadhi kale dha hehelwa meni lyoshilongo nenge momwaalu gwoodola dhaNamibia, omanga ooperesenda ashike ando 20 odho dhi na okukala oongunga dha hehelwa okuza pondje yaNamibia. Pethimbo ndika omuthika gwoongunga dhopondje ogwa thikama pooperesenda 34, gwoongunga adhihe ndhoka dha indilwa kepangelo. Omuntu oto vulu oku ipula kutya ngele ethimbo lyokushunitha oongunga ndhika olya thikana , iimaliwa okushunitha omikuli ndhoka otayi ka za peni.

Moody ote ya ishewe momasiku 10 ga Novemba okutalulula omuthika gwoongunga gwaNamibia. Oya ulike kutya otashi vulika ya ka gandje etalululo lili hwepo okuyeleka naandika lyongashingeyi.
● Tarah Shaanika omunambelewa Omukuluntupitithi goNamibia Chamber of Commerce and Industry.

LEAVE A REPLY

Please enter your comment!
Please enter your name here