Ondjimbo ta yi nongopaleke uukali po womathithi

0
59

Komutoolinkundana
Windhoek

Ondjimbo yEtegameno pamwe nokavideo hoka taka kwatha okunenepeka ontseyo yoshigwana kombinga yaantu yena Uuthithi nenge oshipa oshitokele oya tulwa miilonga mopolohalama yOngula Onene yaNBC yedhina Good Morning Namibia. Eimbilo nokavido olya imbwa kongundulwiimbo yaanona yopenongelo lya Michelle McLean Primary School opamwe naanona yomosikola yaanona ye na uulema womeho. Oya longo pamwe nonkulungu yi shiwike nawa muAfrika, Dolar Yves. Okavideo okali wo ka thanekwa, etseyitho netumo mombepo oshiwike shika olyo etsakaneno lyoshilongomwa shika she ya po omolwelongelokumwe lyaantu oyendji pamwe nongundulwiimbo yaanona okushita po eimbilo nokavideo.

Ondjimbo ndjika nokavideo haka oka etwa po kehangano ndyoka hali yambidhidha aantu ye na uulema woshipa hali takumwa Support in Namibia of Albinism Sufferers Requiring Assistance (SINASRA).
SINASRA ehangano ekwatheli pankalathano moNamibia lya shangithwa nOshikondo shUundjolowele nOnkalonawa. Olya tamekele ongo opoloyeka yoRotary nokukoka sigo olyi ithikamene.Nonando oli ithikamena ndika olya tungila ekalepo lyalyo komakankameno nomalalakano goRotary. Ehangano ndika olyi itaala kutya sho natango tali yambidhidhwa okuza koRotary otashi vulika li ye komeho mokukondjela onakuyiwa yi li nawa osho wo onkalamwenyo yi li hwepo yaantu mboka ye na oshipa oshitokele. Uuthithi moNamibia owa talika ongo onkalo yokulumba tayi vulu okukondololwa nuupu noompumbwe dhaantu mboka otadhi vulu okugwanithwa po, shampa ashike pe na iipumbiwa unene tuu iimaliwa. Onkene omakwatho geni kehe otaga taambiwako nawa.

Omwiimbi a simana Dolar Yves pamwe na Chris Winsemius gwoSesame Street oyo ya nyola eimbilo ndika lyaanona, oku andjaganeka etumwalaka lili nawa.

Ongundulwiimbo ya za kosikola yaMichelle McLean Primary School moWindhoek, pamwe nomwiimbi omukwatelikomeho oyo ya imbi eimbilo ndika na oyo ishewe taya monika mokavideo hoka. Aantu yalwe mboka ye na mo oshitopolwa nenge ya kwathele ongaashi Miss Helvi Wheeler, ngoka a kwatha kombinga yongundu lwiimbo. Miss Universe nale, Michelle McLean-Bailey oye a ningi efalemo lyokavideo. Ayehe mboka yali ye na mo ombinga moshinima shika oyi iyamba, okulongitha ethimbo lyawo, iitalendi yawo, noonzo dhawo dhilwe, opo eimbilo ndika nokavideo haka ka ninge koshili. Eimbilo olya kwatelwa poostudio dhoNBC mewiliko lya Caleb Cindano, oye a wilike ekwato lyako.

Ondjimbo nokavideo otayi taandelitha elaka moNamibia nokokule palwe.Unene tuu sho ndika tali adhika nokutaambathanwa koYoutube na palwe momalungula nomakwatathano gopankalathano. Eimbilo ndika pamwe nokavidio oga kwatathana nawa, molwashoka aantu oyendji nomahangano oga gandja ethimbo lyago, iimaliwa noonzo dhilwe oshali kopoloyeka ndjika. Omahangano ngoka ga kwatha hago ageke ngaka ga tumbulwa mpaka ndele gamwe inaga tothwamo; Jeanne Gouws Make-Up Artistry, Asco Car Hire Windhoek, Nyama Restaurant, NBC Recording Studio, Windhoek Country Club Resort naCamelEye Productions Windhoek, agehe ngaka oga li gi itula mo osho wo aanona yoyene nomawi gawo omawanawa moku imba osho wo oombepo nomikalo dhawo oombwaanawa. Mokutuma mombepo eimbilo nokavideo haka NBC TV osho wo One Africa TV opamwe noosasiona dhoradio moshilongo otwa tegamena okutuma elaka lyenyanyu apehe.

LEAVE A REPLY

Please enter your comment!
Please enter your name here