Unam a dhana oshituthi shopamuthigululwakalo

0
11

Pinehas Nakaziko
Windhoek

Oshiputudhilo shopombanda shaNamibia (Unam) osha dhana oshituthi shopamuthigululwakalo shokomumvo oshiwike sha piti.Oshituthi shika oshali shina omainyanyudho ogendji nomawanawa.

Aakuthimbinga poshituthi shika oya li taya ulike iikulya yopahedhi osho wo oya li ya holoka ya zala omizalo dhopamuthigululwakalo. Oya kala wo noku ulika uudhano wopahedhi dha yooloka dhaanasikola poshiputudhilo shika.

Pethimbo lyoshiithanene opwa li pwa longekidhwa omainyanyudho geli nawa. Ngaka ogali ko mEtitano moka aahikingalo aaNamibia naamboka yaza pondje yoshilongo yali ya holoka opo ye ye ya ulike uunongo wawo, nokunyanyudha aailongi yoposhiputudhilo osho tuu shika, naamboka yali ya holoka opo yeye yadhane pamwe naanasikola mbaka.

Nuumvo etyapulo lyomithigululwakalo olye endele pamwe noshituthidhimbuluko shomimvo 25 dhethikame po lyenongelo ndika. Omuhikingalo omunene a ithanwa okuza koSouth Afrika, Busiswa Ggulu, oye a li ta mwenyeke noonkondo, sho a li a imbi oongalo dhe ndhoka dhi holike kaaNamibia ngaashi ‘Gobisigolo,’ ‘Lahla,’ ‘Ingqondo’ na‘Ngoku’.

Busiswa okwali a ndaanisa pamwe naaholi yoongalo, moka a kala noku ulika omandaaniso omape ngoka omuntu ena okundaanisa uuna a pulakena koongalo dhe.

Engathithi ndyoka lyali lya holoka olyali ishewe lya pewa mo kuPDK ndjoka yali noku inyenga nawa sho ya imbi uungalo wawo uupe ngaashi Ondjema naReverse.

PDK okwali ishewe a towaleke omainyanyudho ge nongalo Moko, moka aamati yali taya inyenge nawa moshili.
Sally naye okwali a ulike uunongo we noku mwenyeka ethimbo a imbi ongalo Natural na Rumbash. Ongundu yOviritje, One Blood nayo oyali ya mwenyeke noku imba oongalo dhawo ndhoka dhi holike noonkondo ngaashi Warakata, na Platinum. Kapu na okudhimbwa Young T, ngoka ali a nyanyudha nongalo ye ompe yedhina Ndeshikonga, nokwali a manitha nokangalo Fikulimwe.

Gumwe gwomaahikingalo aanene moshilongo, The Dogg naye okwali ta monika poshiindingili shika, nokwali a gandjamo momukonda gwe noku imba nokumwenyeka noongalo ndoka dhonale.

Caption (Pic: Kavango Group.jpg): Ongundu yaAkavango tayi ulike uunongo wayo poUnam

Caption (Pic: The Dogg.jpg):

LEAVE A REPLY

Please enter your comment!
Please enter your name here