Ngutjua Movirongo eeta uukambe mOngwediva trade fair 2017

0
58

Shipi Elago
ONGWEDIVA

Okakadhona okagundjuka Ngutjiua Movirongo hoka kena okalaba yuukambe yedhina Pony Riders ota ke shi enditha nawa noku pa mboka taya taalelepo omauliko gopaipindi mOngwediva omayinyanyudho gomathigathano guukambe.

“Aakuluntu yandje oyo ya li ya landele ndje omaludhi guukambe mbuka hawu ithanawa Pony ombuto yuukambe ndjoka yi li ya pumba unene moNambia na ohawu longithwa unene okukayilwa kuunona,” Ngutjiua tati.

Okwa ti osho oshikando shotango taya kutha ombinga momaulikilo giipindi gaNgwediva 2017 na oye li na le ya nana omwaalu omunene gwapashiyoni mboka taya taalelepo omauliko giipindi mNooli.

Ngutjiua ota ti ookastoma dhawo ohadhi ya noku kayila uukambe mbuka woludhi lwoPony na ohaya dhingoloka ehala lyontumba iikando itatu koodola ashike 30.

Okwa ti kakele komathigathano opuna wo mboka haye ya ya hala ashike okuthanekelwa kuukambe nayo ohaya futu ondando yo N$ 30.00.
Okwa tsikileko a ti uukambe mbuka uunambili na owa dheulwa okuza koKalaba hoka yewu landa na ohawu vulu okulongithwa wo kwaamboka yahala okuvululukitha po uuluwi wawo unene tu konima yesiku lyi ipyakidhila.
“Konyala ookastoma dhetu ohadhi ya komatango ngele kwa pepa oshoka omutenya etango ohali kla ta li fike noonkondo na oyendji ohaya shuna komagumbo ya nyanyukwa nando petameko ohaya kala ya tila okukayila iithala, Ngutjiua ta tsikileko.
Okwa ti monakuyiwa okwa hala opo omwaalu gwoonkambe dhoOpony gutane opo a kale ena Okalaba yuunona uushona ndjoka tayi kala hayi ningi omathigathano.
Uukambe mboka tawu longithwa kuNgutjiua kawu shi uukambe mboka wu shiwike koyendji ashike oludhi luukambe uufupi lela ngele ino tala nawa ota shi vulika wutye uusino, na oha wu ithanwa uuPony na ohawu kayilwa olwindji kaanona ashike naakuluntu otaya vulu wo okuwu kayila.

LEAVE A REPLY

Please enter your comment!
Please enter your name here