Omathaneko omatitano geyokomeho NDP 5: Okuputudha aagundjuka ya ninge oshigwana oshilongi

0
14

Komutoolinkundana
Windhoek

Okunkondopeka aagundjuka ya kale taya eta po sha

Oshigwana oshigundjuka osho eliko lyongushu hoka onakuyiwa yoshilongo ya tungilwa. Onakuyiwa neyokomeho lyoshilongo otali tsikilwa kaagundjuka. Aagundjuka moNamibia oyo ooperesenda omi-37 dhoshigwana. Molwashoka Namibia ota ende nokulunduluka methikame po lyoshigwana she, oshilongo oshina ompito oku endeleleka ekoko momahupilo gasho ngele osha longitha omwaalu omunene gwaaniilonga aagundjuka opo shi tunge omahupilo gasho nawa.

Ondjele yokwaana iilonga mokati kaagundjuka omumvo 2014 okwa li ya lopotwa ya thikama pooperesenda 39,2. Omwaalu nguka ogwa li gwa kalelapo ooperesenda konyala omi-74 dhomwaalu aguhe gwaantu mboka yaana iilonga moshilongo ashihe.Okwaana iilonga mokati kaagundjuka moNamibia okuli pombanda okuyeleka nokwaana iilonga maagundjuka moBotswana hoka kuli pooperesenda 33,9 omanga moZambia ooperesenda 25,1 dhaagundjuka odho kaa dhi na iilonga, yo aagundjuka yaana iilonga moMalawi oya kalela po ashike ooperesenda 13,8 dhoshigwana shaana iilonga moshilongo shoka.

Momumvo 2014, aagundjuka mboka yali, yaa li mosikola na ishewe ihaa longo omwaalu gwawo ogwa shuna pevi okuza pooperesenda 34 mo-2013 okuya pooperesenda 24 momumvo 2014. Shika otashi ulike kutya oyendji yomaagundjuka oyi ishangitha momanongelo nenge yamwe oya taambwa moompito dhiilonga momahupilo goshilongo.Oshikwawo omathaneko gehumokomeho oga koneke kutya aagundjuka oyendji iha ye shi pondola okupita enongelo lyawo sigo opondondo onti-12. Shika osha ulikwa komiyalu dhomomumvo 2012 dha ti oshitine shimwe ashike shaalongwa mboka yi ishangithile mograde yotango omumvo 2002 oyo ya thiki sigo oku ishangitha mograde 12 mo-2012. Oshike Omathaneko omatitano gehumokomeho ga hala oku adha kombinga yaagundjuka okuthika pehulilo lyiilongaa yago momumvo 2022. Ngaka oge na elalakano okuhomateka aagundjuka nawa opo mbaka ya vule okulongitha oompito okukuthombinga sha gwana miinyangadhalwa yopamahupilo moshilongo. Oshiyuliki kombinga yaagundjuka mboka yi ipyakidhila momahupilo osha yi pombanda okuza,po 0.49 mo-2013 okuya po 0.58 pethimbo ndika.

Sho kaapena ondjila yaana omagoli osho wo onkambadhala iha yi adhika komashongo, oshinima sheputudho lyaagundjuka ya kale aantu taya longo sha, olya taalela omashongo ngaashi ngoka gaantu mbaka ihaa ya vulu oku egulula omiyelo oku adha omaliko goku longitha opo ye ete po sha, ka ye na iimaliwa, no ka ye na evi ya tunge po sha nosho wo uunongo okwi ihumitha yoyene komeho.

Onkalo yaagundjuka otayi dhigupalekwa wo ke kale po lyomukithi gwo HIV ngoka guli natango pombanda taku tiwa ogwa thikama pooperesenda 16.3 nopooperesenda 2.3 maagundjuka yomimvo dhili pokati koomvula 15 sigo 19.

Naanguka ogu uka pombanda nooperesenda konyala 22.8 maantu mboka yena konyala omimvo dhili pokati 30-34. Oshikwawo uusimba mokati kaagundjuka aashona otawu tsikile kutya ngaaka aagundjuka mboka ya mona uunona omwaalu gwawo otagu ningi unene ogundji.Aagundjuka mboka ya mono uunona ooperesenda dhawo odha londa wo unene.

LEAVE A REPLY

Please enter your comment!
Please enter your name here