Omwaalu gwaakadhona pOlufuko nuumvo omushona

0
435
OUTAPI- 27 Augus 2013 - President Hifikepunye Pohamba greets traditional brides during the Olufuko Festival underway at the Olufujo Centre in Outapi, Omusati Region. (Photo by: Joseph Nekaya) NAMPA

Loide Jason
OUTAPI

Aafuko yonuumvo mboka ya tegela okupopithwa kOmukokoli Presidente, nena pambelewa, oya shonopala okuyeleka nomumvo gwayi.
Konyala aakadhona ye vulithe po 78 oya tokola opo ya fukale moongoma, ano pamuthigululwakalo pethimbo lyoshituthi shokomuvo shOlufuko shoka shi li metifa ngashingeyi mOutapi.

Oyendji yomaakuthimbinga oye uvite uunambano sho omalongekidho golufuko taga ende nawa unene sho omuyalu omunene gwaakadhona yanakatyepa gwa tula mo omaindilo gawo opo ya kuthe ombinga. Saara Walaula ngoka a popi na Kundana okwa ti omumvo gwa zi ko okwa li ashike ya mona omayindilo ogendji ihe nuumvo omaindilo ngoka ya mona oga shonopala kashona. Nuumvo aafuko mboka ye ya koshituthi shika ka oyeli ashike 78 omanga omumvo gwayi yali 82. Gumwe gwomaawiliki okwa ti elandulathano lyomegumbo nosho wo iinyangadhalwa yawo yomegumbo otayi ende nawa. Sho Kundana a thiki po megumbo moka okwa adha nale nokuli yamwe yomaavali yi ipyakidhila pomasiga taya hanga ngoka taga nuwa ngele gumwe a yi mo megumbo moka. Yamwe yomaavali okwa li yi ipyakidhila noku opaleka oshini oshoka aafuko mboka oyena okukala ya tsa. Olufuko nuumvo olwa tameke momasiku 25 gaAugust sigo 5 Septemba.

Elalakano lyOlufuko olyo okulonga, nokutseyitha nosho wo oku ulika omuthigululwakalo noohedhi dhonale.
Limwe lyomomalalakano golufuko oondyoka kutya oya hala wo oku kala yena aatalelipo mboka ya hala oku teka mo sha momuthigululwakalalo gwOshiwambo nosho wo oku pameka eliko lyoshitopolwa.

Aalandithi mboka ya kutha ombinga mOlufuko nuumvo oyeli 284 omanga mboka yali yeya okulanditha omvula ya ziko oyali 246. Oshituthi shika shonuumvo oshitihamano nkene olufuko lwa totwa momumvo 2012. Oshituthi shika ohashi dhanenwa ashike mOutapi ongomukalondjiigilile. Olufuko ina lu fa omauliko giipindi nosho wo iikwawo yilwe. Maria Nepembe ngoka oye enzuna dhingi mokweenda moshilongo oye ishewe a hogololwa opo a ninge omukalelipo gwOlufuko, olweetho olutiyali. Iilonga yokukala omukalelipo nenge oshipala shOlufuko okutseyitha oshituthi shika, nokuhiya aantu ayehe opo ya kale ya mona uuwanawa wokuholoka koshituthi shika hashi dhanwa omumvo kehe pethimbo ndika.

LEAVE A REPLY

Please enter your comment!
Please enter your name here