Oositola dhaWernhil Park dha ulike iizalomwa

0
33

Pinehas Nakaziko

Oositola ndhoka hadhi landithile metungo lyoWernhil Park odha ulike iizalomwa mbyoka, hadhi landitha ehulilo shiwike lya piti.
Euliko lyoonguwo niizalomwa iikwawo mbyoka yali ya etwa po koWernhil Park okwali ya nuninwa okupandula aalandi ayehe yometungo muka, moka oyendji yali ya shuna komagumbo taya imemeha molwa sho yali ya sindana oshindji.

Aayendi dhingi yevule pomulongo oyali, ya nyanyudha engathithi enene ndyoka lyali lyaholoka, sho yali yu ulike oonguwo ndhoka okuza kiizalomwa iishona, oohema dhaakiintu naalumentu, osho wo omizalo omikwawo ngaashi oongaku, omakende gokomeho niikwawo oyindji.
OTB, Edgars, Optic Exclusive, Refinery, Dunns, Ackermans, Milady’s, Fashion World, Signature Cosmetics naLeGit odho dhimwe dhomoositola ndhoka dhali tadhi ulike iizalomwa niipindi yadho mendiki lyoongeshefa lyaWernhill.

Peuliko ndika oompoka omunduluki gwoonguwo Leah Misika a tseyika nawa mokuhondja iizalomwa iiwanawa ali a ulike ohema ye ya ningwa muundooha woRedBull, ndjoka yali ya fuula oyendji.

Kakele kwaashoka, Wernhil Park okwali ishewe a gandja olupandu lu vulithe pooN$ 100 000 dhuuvoucher kaasindani yethigathano lya Wernhil Park lyiiwike itano yokulanda, moka Maria Nampila oye ali a sindana okasilepa kokukalanda kehe mositola yi li moWernhil ke na ongushu yooN$20 000.

Poshiindingili opo tuu mpaka opwa tseyithwa kutya Wernhil ngashingeyi ota gwedhele etungo lye, na otaka gwedhela ko ishewe oositola dha adha po 50, nomahala gokukala oohauto gaadha po 800.
Oshiindingili oshali sha nyanyudhwa kongundu yaandaanisi yedhina B Boys.

LEAVE A REPLY

Please enter your comment!
Please enter your name here