Ya kwata oohi odhindji pEpalela

0
54
DUBAI, 29 April 2013 - Minister of Trade and Industry Calle Schlettwein (L) and Deputy Minister of Fisheries and Marine Resources, Chief Samuel Ankama during an on-site visit to the Al Makhtoum International Airport here on Monday. (Photo by: Carike Freygang) NAMPA

Loide Jason
EPALELA

Omupevi Minista mUuministeli woohi, Omundohotola Chief Samwel Ankama okwa kumike aanafaalama ya dhiginine okumuna oohi unene ngaashi tashi vulika.

Ankama okwa popi ndhika oshiwike sha ziko peteyo lyoohi pEpalela, mUukolonkadhi moshitopolwa shaMusati.
Okwa ti Epalela Fish Farm olya tungwa nelalakano lyokuulika kutya oohi ohadhi vulu okumunwa ihe aakwashigwana woo nayo oya pumbwa okutameka okumuna oohi opo shi kwathele okushunitha ondando yoohi pevi.
Omupevi minista okwa ti ngashingeyi ondando yoohi oya londa noonkondo oshoka oohi natango dha pumba moshilongo.
“Kokukala ngaa noohi odhindji oko ngaa kondando yadho tayi shuna pevi. Kuushona woohi moshilongo oko ngaa kondilo yoohi,” osho Ankama a ti ngaaka.

Omolwonkalo ndjika Ankama okwa indile aanamukunda nenge aakwashigwana ya dhiginine okumuna oohi.
“Nande omwa tameke oku muna oohi pomagumbo ngele nee mwa mono tashi ende nawa omuntu opo nee nduno to tameke okufula oka dama kadho,” osho a kumagidha ngaaka.

Okwa ti ngaashi oohi ndhoka tadhi munwa pEpalela ngashingeyi olundji, odha hila, aalandi ya za kombanda yiilongo shoka tashi ulike kutya oohi ndhoka odhina ongushu . Oohi ndhoka dha kwatwa esiku ndyoka odhi thike pootona ntano na odhali dha kwatwa okutameka Omaandaha sigo Etitano lyoshiwike osho tuu shoka.

Ankama okwa indile wo opo Oombaanga ndhoka hadhi gandja omikuli kaanafalama, dhi pe, wo aanafaalama mboka taya munu oohi.
Okwa ti shika otashi tsu aanafaalama mbaka omukumo opo oshikondo shokulanditha oohi shi yambuke po.
“ Agribank gandja omikuli kaanafalama mbaka ngaashi tashi vulika opo aantu ya hume komeho yo ya vule okumuna oohi ngaashi tashi vulika,” osho a kumike.

Okwa gwedha ko ishewe kutya aanafaalama mbaka nayo oya pumbwa okukala yena omambakumbaku ngoka tage ya fulile omatale gawo goohi ngashi naanawa aanafaalama yuunamapya mboka yena omambakumbaku ngoka ha ge ya pululile omapya gawo.
Okwa ti okumuna oohi kashi shi oshinima oshipu oshoka omuntu okwa pumbwa okufula etale moka omo nduno tamu kala oohi dhe.
Nuumvo muJuli Epalela olya li lya kwata oohi oshikando shotango noshikando oshitiyali ooshoka sho shiwike sha ziko omanga oshikando oshititatu tashi ka kala ko pehulilo lyaNovemba nuumvo.

Omvula ya ziko oyali ya munu oohi dhi vulithe pootona 23 omanga nuumvo taya lalakanene ootona dhi vule po mpoka, ngele ayihe mbyoka ya dhiladhilwa oya kala pomahala.

LEAVE A REPLY

Please enter your comment!
Please enter your name here