Aanahambo ya pewa omatungo goohambo gopashinanena

0
68

Loide Jason

IIHAMAYONGWE-Aanafaalama aashona yokoohambo kIihamayongwe moshikandjohogololo shaKahao moshitopolwa shaMusati, aalongi yomapya naaniimuna oya tumbalekwa kepangelo sho lye ya pe iilongitho yopondondo yopombanda.

Aanafaalama mbaka oya pewa oomboola dhopondondo yopombanda ndhoka dhi na olusheno lwetango olwo halu Pombo omeya.
Omagano ngaka gen a ongushu yooN$11 oomilliona oga pewa aanafaalama mbaka opo oya humithe komeho iilonga yawo yuunafaalama.
Aanafaalama mboka ya mono oofaalama ndhoka oya tumbaleke epangelo ya ti ngashingeyi osha ninga oshipu kuyo opo iimuna yawo yaa kwatwe komikithi .

“ Ngashingeyi iimuna yetu oya gamenwa noonkondo oshoka oofalama ndhika ohadhi pata , odhina oondhalate dhopashinanena noshowo iigunda yomanga yopashinanena,” osho yamwe yomaanafalama ya ti ngaaka .

Oya ti otashi ka kala wo oshipu kuyo okugongela iimuna yawo ethimbo kehe ye yi hala oshoka oya edhililwa.
Ashike Minista gwomatulululo nevi Utoni Nuyoma okwa ti kumike aanafaalama mbaka ya kwate nawa iinima mbyoka nawa ngaashi tashi vulika opo yi vule oku longithwa koshigwana shokomongula.

Okwa ti omatungilo ngoka nosho wo iilongitho yomoofalama ndhoka oya pula oshimaliwa oshindji na oya pumbwa okusilwa oshimpwiyu nawa ethimbo alihe.

Nujoma okwa ti ofaalama ndjika ontitat u moshitopolwa shaMusati ndjoka yili molupe nduka.
Ofaalama ndjika oya tegelelwa okukwathela aantu yevulithe paantu 198 mboka yena iimuna nuulithilo.
Minsta okwa ti aakwashigwana mboka yeli popepi nenge pomudhingoloko ngoka na yo na ya mone mo uuwanawa moohambo muka.
Oohambo ndhoka odhina woo omatemba gokunwina iimuna ngoka geli pamuthika woo gwopombanda.

Oshigongalele osho tuu shika oshali sha kalwa komu ambassada gwAmerika muNamiabia. Mboka oyo ya yambidhidha oproyeka ndjika..
Christian Gruen okwa popi kutya yo otaya tsikile nokukwathela mehumo komeho lyoongeshefa ndhika nuunamapya, unene kaanafaalama mbaka aashona.

Okwa indile aanafaalama mbaka ya longe nuudhiginini mokusila iimuna yawo oshimpwiyu oshoka ngashingeyi ayihe mbyoka ya pumbiwa kaanafaalama mbaka oya gwanithwa po.
Gruen okwa ti epangelo lyawo olya yambidhidha noshimaliwa shi vulithe poomilionaaaaaaa 240 miimaliwa ya Namibia.

LEAVE A REPLY

Please enter your comment!
Please enter your name here