Endiki loNana Destiny, otali pukulula ovalongwa

0
41

Tuulikki Abraham

Lüderitz-Eendiki ledina Nana Destiny Day Care, otali shi endifa nawa mokuyandja omapukululo a wedwa po kovanafikola ovo hava fikola mee Primafikola domodoolpa ya Lüdertiz.

Omukwatelikomesho pEndiki eli Peneyambeko Shatilwe, meenghundafana odo a ninga na Kundana, efiku eefikola dahovela noshikako sha xuuninwa, etivali loshivike eshi, okwa tumbula kutya, omapukululo oo hava yandje kovanafikola vefike 18 okudilila mee Prima fikola modoolopa ya Lüderitz, oidjemo yavo yomakonaakono, a Auguste, otai shambula neenghono.

Shatilwe ota tumbula kutya, endiki eli ohali pukulula ovalongwa, ovo ovadali vavo va didilika kutya, ovena ounghundi moilongwa yonhumba oyo itavei endifa naana nawa, nonghendabala yoku vatela omaludalo avo, ounona ngee va dimbuka ohavai koNana Destiny Day Care tai hangika molukanda laAmilema moLüderitz, omo ounona hava pukululwa moilongwa oyo tava nyengwa, noku tonatelwa yoo opo vadule okuma oifiilwa longa oyo va pewa kofikola.

“Ovakulunhu vahapu, ohavakala koilonga efiku alishe, nomudali eshi ta dimbuka teya keumbo okwatoka, na ita mono naana omhito yawana yokutala momambo ovanafikola ngeenge pamwe ovena osho va fiilwa ndele inaveshi longa.
Oku ko Nana Destiny, ihatu va ningile oifiilwa longa yavo, ndele ohatuva pe ashike efimbo lawana, opo vadule okulonga oifiilwalonga yavo, nokuvatela , ngaa apa shapumbiwa.” Shatilwe osho ayelifa.

Shatilwe okwa tumbula kutya neudo ovakala tava yandje omapukululo kovalongwa veli 18, ovo a tumbula kutya oindjemo yavo yekonaakono laAuguste, otayuulike lela yaya komesho, inaifa oidjemo yomoshikako shotete. Okwa tumbula kutya, opena ngaa ovalongwa veli vanhe ovo ovadali vavo veva twala komapukululo, eshi ashike kuna oivike inini opo ekonaakono lihovele, ashike ovalongwa ava navo yoo oveshipondola okulundulula oitwa yavo, nande inaava fa ava vakala nokupewa omapukululo, okuhovela pehovelo lomudo.

Endiki lo Nana Destiny Day Care, nonande lina omulandu woku yandja omapukululo kovalongwa ovo veli mee Prima Fikola, ohalifile yoo oshisho ounona okudja peehani dili nhatu, ndele fiyo ounona ovo nena eedula dili nhano. Ounona ovo vanini ohava tonatelwa okuhovela potundi 06h00 yongula ndele fiyo opotundi 18h00 komatango. Ovadali ovo hava ka nangala moilonga ndele kapena ou tadulu okunangala noka nona meumbo, ounona ovo ohava dulu okuu twalwa kendiki lo Nana Destiny oko vaka nangale, nokufilwa oshisho, kovanailonga vo pendiki opo.

Nana Destiny okwa yeululile omivelo daye lwotete, odula yadjako mu January. Odula ei okuna ounona ovo havafikola oKinda 24.
Shatilwe okuna etumwalaka eli yukifa movadali, ta ti na ve li tulemo mokukufa ombinga mehongo lomaludalo avo. “Omudali ngeenge ouwete okanona koye itaka eta oidjemo iwa okudja kofikola, fikama, konga ekwafo, opo uyambidide, omumwoye, a monenwe ekwafo opo tashi dulika, yee a dule okuya komesho nelihongo laye.” Shatilwe, osho a tumbula.

Ovalongwa, ovo hava ka mona omapukululo po Nana Destiny ova hovela nokuya komapukululo avo oshikako eshi sha xuuninwa shokodula, onghene ova hovela nokuli etivali loshivike eshi, efiku ngaa ofikola ya hovela.

LEAVE A REPLY

Please enter your comment!
Please enter your name here