Ongundu TKB ya galukile moongalo

0
12

Pinehas Nakaziko

Windhoek-Ongundu yaa imbi aagundjuka yatatu yedhina TKB, ndjoka ya kala noku shi enditha nawa nokumwenyeka ngele tashi ya pomainyanyudho moshilongo nuunene tuu modoolopa yaShakati noRundu oomvula odhindji dha piti, oya notheleko aaholi yoongalo dhayo kutya ota ya galukile mondambo konima yoku kala ya mwena po ethimbo ele.

Ongundu ndjika oyali ishewe ya tseyitha uungalo wawo utatu mboka uupe , wuna wo omulyo gwoongalo oombwaanawa wedhina Nzira, Carolina naTwamana Nare, wa li wa piti mo kati kAgusite. Ongundu ndjika oya kala ya mwena po uule woomvula mbali, konima sho ya li ya pititha oalbuma yawo ontine yedhina Calamari mo 2014.

Aaimbi mbaka oya ti yo oya kala ya mwena po molwa omaipyakidhilo gokuninga omaimbilo gawo omape, ngoka taga ka adhika moshipandi shoongalo dhawo oshititano, sha tengenekwa shika pitithwe muKotomba.

Gumwe gwomaaimbi yongundu ndjika, Abby okwa lombwele Kundana ta ti nonando aantu oyendji oya ti oya kala ya mwena po ngaaka, yo oya kala ya tula oombunda miihwa taya longo nuudhiginini, opo ya humithe ehangano lyoongalo pamuthika gwopombanda, noongalo dhawo ndhoka inaa dhi uvika nale moshilongo.

Onkundana ombwaanawa oondjoka kutya ongundu ndjika oya galuka nehangano lyawo epe lyedhina Chobe Entertainment, sho ya topoka nehangano hoka yali ye na euvathano lyedhina Basement Records, hoka ya kala ha ya ningile iihikomwa yawo uule woomvula omulongo. “Otwa pandula iinima ayihe ehangano ndika lyetu ningila, na olyo lye tu eta pomuthika mpaka tuli mongashingeyi. Elalakano lyoku topoka okwa li ashike twa hala okukoka noku tameka okuninga oongalo dhetu tseyene,” Abby ta ti ngaaka.

Okwa ta ti, Chobe Entertainment ehangano lyawo epe notali koko, oshoka ngashingeyi ohali kwatitha omaimbilo, noli na iilongitho ayihe mbyoka hayi longithwa oku etapo kehe omulyo gwongalo.

Okwa ti ishewe mongashingeyi oye li ya shaina aahikingalo mboka aashona, no ye na einekelo kutya koomvula dhokomeho ehangano ndika otali ka kwathela oyendji ngele tashiya moongalo.

Oongalo dhawo ndhoka oompe otadhi ka kala dhili moalbuma yawo ontintano, naa imbi mbaka oya ti kapuna ngoka ta ka kala iina inyenga ngele edhipulakene.

“Konima yokupulakena oongalo ndhika aaholi yoongalo dhetu naaNamibia ayehe otaya ka mona kutya otatu popi shike. Otatu ka pititha ishewe okavidio kongalo Carolina kuyele omwedhi tagu ya,” Abby ati ngaaka.

Oalbuma yawo ota yi ka ithanwa Nzira, shoka sha hala kutya Ondjila. Abby okwa gwedha po ati oalbuma ota yi ka popya kombinga yondjila ndjoka ya enda mehangano lyoongalo. Oalbuma ndjoka otayi popi ishewe kombinga yiinima ayihe mbyoka ya ningilwa moonkalamwenyo dhawo, noku ulika uukokele wawo moongalo.

“Moalbuma omuna wo etumwalaka lyakola. Oshindji kombinga yoalbuma otatu ke shi tseytiha nale,” Abby ta gwedha po ngaaka.
Ongundu ndjika oyo ishewe ta yi ka patulula omainyanyudho ngoka ga Omario, taga ka ningwa muKotomba pokapale koIndependence. Oya uvaneke taya ka longa noonkondo omvula ndjika, ngele tashi ya poku pititha oongalo oombwaanawa nota dhi tungu, mwakwatelwa omainyanyudho.

LEAVE A REPLY

Please enter your comment!
Please enter your name here