Shino oshali oshiwike shokwiilonga okulesha kwaakuluntu

0
13
WINDHOEK, 01 June 2017 - Permanent Secretary in the Ministry of Education, Arts and Culture (MEAC), Sanet Steenkamp. (Photo by: Anna Salkeus) NAMPA

Sanet Steenkamp

Septemba oha tamekitha oshiwike shokwiilonga shaakuluntu osho wo esiku lyopaigwana lyokutyapula okulesha, ngaashi sha tseyithwa kuuMinisteli wElongo, Uunkulungu nOmithigululwakalo okupitila moshimpungu shelongo lyaakuluntu.

Iitopolwa ayihe 14 oya li ya longekidha iinyangadhalwa uule woshiwike shoka sha tameke mo-1-8 gaSeptemba okutyapula oshiwike shElongo lyAakuluntu oshowo esiku lyontseyo yokulesha muuyuni.

Oshiwike sheilongo lyAakuluntu ohashi ningwa okupapudhula ohokwe nehalo , osho wo esimaneko noku pendula ehalo lyetu oku ilonga monkalamwenyo yetu ayihe. Osho oshiwike okumwena po nokutala konima noku kutha etokolo oku ilonga tse yene molweilongo lyonkalamwenyo ayihe.

Otema yopashigwana noyopaigwana nuumvo otayi ti “Ontseyo yokulesha moshilongo shuuteknologi.”
Otema otayi indile aagandji yelongo momikalo adhihe okuthigapo omikalo omikulu dhokulongitha omakwatathano gopashinanena nokulongitha ngoka omape oku eta po iikalimo iipe mbyoka tayi gandja uunongo uupe wuli pomuthika gwopombanda.

Opolohalama yelongo lyaakuluntu oya longa aakuluntu ye thike paantu 600 000 okuza nkene oshilongo sha mangulukile.
Etyapulo lyoshiwike shika olya simana molwashoka otali tu dhimbulutha kutya osha pumbiwa okunenepeka oonkambadhala dhoku shonopeka onkalo yokwaatseya okulesha.

Oshiwike shika osha simana oshoka uuministeli owa adha oshindji okupitila musho ngele taku talwa komuthika gwokulesha nokushanga mokati kaakuluntu onkene shika otashi kala ngaaka uule womimvo odhindji tadhi landula.
Unene tuu sho okalindeli kuuministeli kombinga yasho taka kala ke li ngaaka. Shika oshi li wo ngaaka molwashoka oku ilonga okushanga noku lesha kwaakuluntu otaku endele wo pamwe nelongo lyaanona, niilonga ayihe mbika otayi gandja euveko lili,nawa ngele tashi ya mehumithokomeho lyoonzo dhopantu moshilongo.

Ehumitho komeho lyoonzo dhopantu oshinima sha simana koshigwana shetu oshowo kiigwana yilwe muuyuni. Omolwa etompelo ndika iigwana oyindji muuyuni otayi longo nuudhiginini oku tidhila kokule onkalo yokwaatseya okulesha nokushanga.

Namibia ota kambadhala opo ondjele yokwaashi okulesha yi shunwe pevi nokukala yili kohi yooperesenda omulongo.
Nonatango nando oonkambadhala adhihe ndhika odha ningwa omulandu gwelongo lyaakuluntu moshilongo ogu na omashongo ogendji.
Oku endulula okundji otaku monika momandiki ogendji. Shika otashi endele wo pamwe naakuluntu oyendji haya thigi po elongo lyawo.
Okuthigapo osikola yaakuluntu ohaku ningwa unene mokati kaalongwa mboka ya za momagumbo geli konima montseyo. Aantu mbaka kaye li ashike ongundu yimwe ndele mbaka oya za moongundu dha yooloka nodhi na omaukwatya ga yooloka. Onkene mbaka oye na oompumbwe dhelongo inaadhi faathana.

Oongundu ndhika odha kwatelamo aaniilonga yomoofaalama, Aayelele aakuluntu naaHimba wo.
Oyendji yomwaambaka ohaya thigi po eilongo lyawo nenge otaya endulula, shika oyendji oye shi ningithwa koluhepo nenge komukalo ngoka yo haya talika ko kaantu yalwe mboka yi iwete ye ya vule.

Mbuka owo uushili mboka wa tsakanekwa momandiki gelongo lyokulesha lyaakuluntu.
Oyendji yomaakwashigwana yetu oye na owino yokulesha okushanga osho wo okuyalula.
Payalulo lyopashigwana lyomumvo 2011 konyala ooperesenda omilongo 89 dhaalumentu odho hadhi yi komanongelo goliteracy dho ooperesenda 88,5 odho hadhi holoka pomanongelo goliteracy.

Shika itashi ti otwa adha oshindji mokulonga aakuluntu yetu okulesha nokushanga.
Opo uunongo mbuka wu tulwe pomuthika gwopombanda omandiki 14 goshigwana goku ilongela oga dhikwa po ge na omakwatathano go internet.

Oku nenepeka oonkambadhala dhetu opolohalama ya yambidhidhwa kaaKuba tayi longithwa miitopolwa yaKhomas, Kavango East, Kavango West nomOshikoto, opo ku siwe oshimpwiyu kutya aaNamibia mboka ya kala konima yesiga oya yambulwa po palongo nontseyo yokulesha nokushanga.

Muuyuni womakwatathano gopashinanena okwa tegelelwa aalongithi yomauyelele ya kale ye na ontseyo ya nkene taya longitha omakwatathano oku okukonga uuyelele osho oku eta po uuyelele. Shika osha kwatathana nontseyo ya nkene iikwamakwatathano omape hayi longithwa.

Opo ontseyo ndjika yi vule oku adhika uuministeli owa tula po omathaneko omanene go ICT okuhinga ontseyo yuuteknologi mokati koshigwana.

Ndika efupipiko lyoshinyolwa sha Meme Sanet Steenkamp, ngoka oye Amushanga Takalele mUuministeli wElongo nOmithigululwakalo.

LEAVE A REPLY

Please enter your comment!
Please enter your name here