Shotgun a pititha ongalo Ependafule

0
20

Pinehas Nakaziko

Windhoek-Omuimbi gwoongalo dho Afro-pop, Tulonga Fillemon ngoka a tseyika nedhina Shotgun moshitalenti she shoku imba okwa pititha ongalo ye yadhenga mbanda yedhina Champion, shoka tashi ti enyakwa oshiwike shika.

Ongalo ndjoka ya ningilwa omikwelengendjo kuNamzee Brown noya dhindwa kuElvo, oyo yotango yaShotgun a pititha kohi yehangano lye yemwene epe lyoku kwatitha omaimbilo ali eli patulula moWindhoke nuumvo konima sho a kala uule woomvula 10 ta imbi.
Shotgun okwa ti ongalo ndjika oya nuninwa omapendafule agehe muuyuni, naamboka yeli itaa ya shuna oshithi monima taya longo nuudhigini okutula oshilongo pomuthika gwopombanda.

“Mbika oyo iilonga yandje nda longa nuudhiginini, oshoka okwa li ndi na ethimbo lyagwana nawa unene okunduluka po omayimbilo omape, mwakwatelwa ongalo ndjika. Ongalo okwa li nde yi ningi uule woshiwike ashihe nelalakano lyoku etapo ongalo ndjoka yi na omulyo tagu inyenge nawa, no yi holike kaaNamibia ayehe,” Shotgun ta ti ngaaka.

Okupopya ishewe kombinga yehangano lye lyokukwatitha omaimbilo okwa ti shika oshinima a kala eshi hala nale monkalamwenyo, okuza esiku a tamekele oku imba kwe.

Shotgun oku shiwike ishewe nongalo ye ndjoka yedhina Follow Your Dreams, ndjoka a li a pititha nomu imbi dhingi Exit. Oongalo dhe okwedhi tamekele mo2004 ethimbo ali hi imbi pamwe nehangano lyOluwano Music Organisation.

Momumvo 2007 oomoka a li a pititha oalbuma ye yotango yedhina ‘Chidolodolo Mokacie’ nomo 2010 okwa li a pititha oalbuma ontiyali yedhina 0505 Birth and Death’, ya landulwa kEpokolo’ ndyoka lyapitile mo 2013.

Shotgun okwavalelwa moKwanza Sul moAngola, nokwakokela mOkahao. Omvula ya zi ko okwa li apititha oalbuma ye Harambee ndjoka ishewe ya endele nawa, noyali ya taambiwako koyendji.

LEAVE A REPLY

Please enter your comment!
Please enter your name here