Afrika okuna elondo lyombinzi lili pombanda muuyuni

0
76

Margaret Ancobiah

Ngele owa pulwa kutya “Omukithi guni hagu dhipaga muAfrika?’ oto yamukula ngiini? Otashi vulika wu dhiladhile momutse gwoye noku tala omafano gaanona taya kondjo nomwenyo sho ye niwe kondjala nenge aalumentu naakiintu ye li momikweyo pondje yiipangelo ya tegelela okupewa omiti okupanga omavu haga [taambathanwa] nenge gomukwayu ngoka haga etwa koovirusa, omavu ngaashi omalaria noHIV/AIDS?

Ina tu imbembelekeni – Afrika oye enenevi etiyali li na aakalimo oyendji muuyuni na osha kwata omimvo odhindji okukondjitha omaupyakadhi gomavu haga hepeke aantu yamo.

Ekalo po lyomavu haga taambathanwa menenevi ndika natango oshi li eshongo enene.
Ndele nee oonkatu odha katukwa nomasindano oga adhika okukondjitha omavu ngaka nonando HIV/AIDS ogo omukithi gumwe tagu eta eso lyomwaalu omunene muAfrika kohi yombuga yaSahara, oshiponga tashi etwa kuuvu mbuka oshili po tashi shuna pevi.
Omiyalu dhaamboka taya si komukithi nguka ogwa shuna pevi omolwa ekondjo okukondjitha etaandelo lyago. Onkene HIV/AIDS haye we e na epole mokukala oye omutango mokudhipaga aantu metata ngonga lyenevi ndika unene kohi yombuga yaSahara. Peha lye opwa holoka omudhipagi omupe.

Utya muAfrica oshiponga paundjolowele osha thika nale noshi li mokati kaakalimo noku piyaganeka omayakulo guundjolowele ngoka taga longo nale nuudhigu. Shika osha tula omutenge omudhigu komapepe goshikondo shuunamiti shoka tashi kondjitha ekalo po lyomavu haga taambathanwa pamwe naangoka ihaa ga taambathanwa. Onkalo ndjika, oya eta po eindjipalo momutenge omudhigu tagu etwa komavu.
Omavu gomutima nomontulo ngaashi ombanda, edhengo lyomutima, uudhigu momifudho, okankela nosuuka ogo haga ithanwa omavu ihaa ga taambathanwa, nolundji ohaku dhiladhilwa kutya ngaka ogo omavu gaamboka ya huma komeho nenge haga kwata ashike aakalimo yiilongo yaatiligane nenge yaaUninginino.

Ihe omavu ngaka oga tameka okumonika wo nomokati kaamboka yomiilongo yi na iiyemo yopevi naambyoka yopokati, moka ngaka momumvo 2005 ga eta eso lyomwaalu gwa indjipalekwa lutano okuyaeleka naamboka ya dhipagwa ko HIV/AIDS.

Omikithi dhaa shi dhomukwayu odho nale dhili komeho moku eta eso miilongo oyindji muumbangalantu wAfrika, nongele otatu landula einyengo lya tya ngeyi muuyuni itashi ka kwata olule sho omavu ngaka taga taandele moku eta eso muAfrika alihe. Utya , Ehangano lyUundjolowele Muuyuni nenge [WHO] otali tengeneke kutya omaso geetwa komavu ngaka otaga ka pita po pwaangoka ge etwa komavu gomukwayu, omaso gaakiintu aapulumuthi, ya si omanga inaa ya pulumutha nosho wo ngoka ge na ekwatathano noluhepo lwiitungithi miikulya okuya pomumvo 2015. Omaso ge etwa kuuvu wosuuka opamwe naangaka otaku tengenekwa taga ka indjipala sigo opooperesenda 42.
Konyala otwa manako etata lyomumvo 2017 nomeni ashike lyethimbo eshona okuyeleka nepipi limwe kokutya okuya pomumvo 2030 otaku tengenekwa kutya omavu gaashi gomukwayu ogo taga kala komeho mokudhipaga aakalimo muAfrika kohi yombuga yaSahara.

Ngele owe shi talele momiyalu ndhoka tadhi ulike kutya omaso ogendji ohaga holoka mokati kaantu yopomimvo okuza 30-69 miilongo yaAfrika nena otashi uvika ko nkene shika tashi ka ninga omutenge omudhigu komapepe gomahupilo moAfrika, kokutya oshikondo shuukalinawa itashi kala noonzo dha gwana okukwatha aantu yasho, noshikwawo aagundjuka yaAfrika otashi vulika taya kala inaa ya ndjolopala opo ya kale taya longo iilonga mbyoka tayi eta po sha momahupilo goshilongo sho taya longo nenge taya ilongele yoyene noku etapo oompito dhiilonga.

Shika itashi kumitha? Ekoko lyiilando sho aantu taya tembuka momikunda, ohali kwatakanithwa nonkalamwenyo yaana uundjolowele wu li nawa osho wo omaihumbato ga nika oshiponga ngoka taga vulu oku eta omavu gaashi gomukwayu. Afrika okuna nale omwaalu guli pombanda gwaakalimo ye mboka yena uuvu wethindakano lyombinzi.
Wo uuvu mboka owo hawu fala meso, mokulemana .

Oku adhika kuuvu mbuka ohashi etwa konkalo yomuntu ye mwene mokumwenya kwe.
Iinima ine mbyoka tayi vulu oku etela aantu omavu okuza monkalamwenyo inaayi tonatelwa ongaashi elongitho lyomakaya, okwaa ninga omadhewo, okunwa omalovu sha pitilila osho wo okulya kwaana uundjolowele.

Omanga uuyelele kombinga yekwatathano lyomaihumbato nomavu ngoka ha ga etwa konkalamwenyo wu li po wa gwana.
Omauyelele kutya oonkatu ndhoka dha katukiwa okukondjitha enenepalo lyomavu gopakukala , kutya ngele ndhika odha longa nenge ina dhi longa , oga pumba moka ti kaakalimo.

Ohashi kala oshidhigu okugongela uuyelele, unene tu sho shika hashi kwata ethimbo okugongela uuyelele okuza moshigwana.
Uuna uuyelele wa monika naasho wa konakonwa noku gandja omathaneko kutya oshike shina oku ningwa olundji ethimbo ohali kala lya pwapo , nonkatu ndjoka yali yi na okukatukwa otashi vulika itaayi ka kala we yi na omungunda mekondjitho lyomukithi nenge uuvu wontumba.

Ishewe A frika okuna egamo oku koknga omakwatho nomathaneko okuza kiiyukithilo pondje yenenevi , pehala lyokutala kiiholelwa yimwe mbyoka Afrika yemwene ta vulu oku longitha.. – KASI

● Margaret Ancobiah, okuna onkatu yuulongelwe yo MPharm, okwa kala moUK-nomunawino muundjolowele, e na ontseyo momilandu dhuukalinawa oshowo momapekape oye oshilyo shongundu hayi gandja omayele kombinga yuundjolowele yo KASI Insight .

LEAVE A REPLY

Please enter your comment!
Please enter your name here