Onambula United ya sindana po ekopi lyaYambongo Investment

0
117

Shipi Elago

TSANDI-Onambula United oyo ishewe enyakwa lyuudhano waYambongo oshikando oshitiyali sho ya sindana po uudhano mbuka ehuliloshiwike lya yi poTsandi. Omumvo gwa yi ospana ndjika oyo ya sindanene uudhano mbuka oshikando shotango.

Onambula oya yi kedhingoloko lyahugunina komatango goSoondaha ya piti nosipana omwayina yOnambula Young Generation ndjoka hayi dhana moSecond Division. Ospana ndjika oyo hayi dheulile Onambula United aadhani.
Uudhano mboka wa li wa dhanwa uule womahuuliloshiwike gaali owa li wa patululwa kOmusati Nampol nOkalongo United moka Okalongo ka li ka dhenge mo Nampol 1-0.

Onambula Young Generation oyi ikwata naUnam Ogongo moka ya dhana shithike pamwe 1-1. Onambula Young Generation oye shi pondola okusindana uudhano wawo naanasikola sho ya tula mo ookoola 5-4 kokutsikinika. Fresh United okwa li a hanagulwa po kuBlack Magic 6-1 omanga Outapi United wa li wa dhengwa mo kEpupa Eleven 2-1. Okahao FC oka li ka dhenge mo Young Brave 3-1 nokuninga oshilage okuya kedhingoloko lya landulako.

Onambula United oya li ya pupula Okalongo United 2-0 nokudhika po etsakaneno nOkahao FC mosemifinala yotango moka Okahao FC ka li ku ulukilwa komutse gwondja kOnambula United ndjoka ya piti po nookoola 3-1 muudhano mboka wa li wa thigi oyendji ya thikama oshoka opwa li iiti ta yi teka.

Onambula Young Generation oya dhenge mo Black Magi 3-0 okuninga oshilage kedhingoloko etiyali lyahuguninanal. Ndjika oya tsakanene mosemifinala ontiyali nEpupa Eleven nokuli dhenga mo nookola 2-1 nokuyaleka ehala medhingoloko lya hugunina nosipana omwayina yOnambula United.

Okahao United oka kondjele ehala etitatu nEpupa Eleven moka ko ka dhengwa mo kEpupa Eleven nookoola 2-1. Edhingoloko lya hugunina olya mokapale Osoondaha ya piti moka oosipana oomwayinathana dha li dhi itaalela, ashike shiti okwa li ta tekele mbundje oshoka ndhika odha li dhi ithigi othika 0-0. Kokutsikinika Onambula United oye ke shi tompola okudhenga Onambula Young Generation nookola 4-3 koopelenti. Onambula United oya yambula po okapandi ko N$ 3600, ekopi nosho wo oombandi dhoshingoli.

Onambula Young Generation oye ya pehala etiyali moka ya yakula po okapandi ko N$ 2600, noombandi dhoshisiliveli.
Osipana yEpupa mokudhenga Okahao FC oyi ilikolele ehala etitatu muudhano mbuka moka ya li ya pewa N$ 1600 nekopi.
Uudhano mbuka wokomumvo owa li wa kwashipalekwa kongeshefa yoYambongo Investment nokapandi kooN$ 12 000, na oya li ya egulukila oosipana adhihe hadhi dhana moSecond Division nosho wo ndhoka dho moFirst Division.

LEAVE A REPLY

Please enter your comment!
Please enter your name here