Oosekundo yaNehale nOkatana aasindani muudhano woFNB

0
16

Omutoolinkundana

WINDHOEK-Oosekundo yaNehale noyOkatana oyo aasindani dhingi muudhano woFNB Classic Clashes wali ko ehuliloshiwike lya zi ko.
Oseko yaNehale oya tsakanene noSeko yaNgha mesiku lyali lyapupyala nolyuudha ombepo, omanga oseko yaHaudano oya tsakanene naandjoka yaKatana pethimbo lyomwiha momasiku 9 gomwedhi omutimugoyi.

Muudhano wotango mesiku eti-8 Septemba oseko yaNehale oya dhenge mo ospana ondjenda yokOngha nokoola mbali dhomuyimwe. Ookoola ndhika odha tulwa mo medhingoloko lyotango. Oospana adhihe odha li dha dhana dhi itula mo ihe ospana yomegumbo, ano Nehale oye a zi mo muudhano mbuka omusindani.

Omudhani omukadhona moNehale SS, Martha Nelondo okwa ulikwa oye ependa lyoVigo , omanga omukeeleli mokoola yaNehale, Thomas Nghipandulwa oye a ningi omudhani omuwanawa guudhano mbuka.

Uudhano pokati kaKatana naHaudno ehuliloshiwike, Okatana SS oko ke shi pondola okusindana lwotango muudhano mbuka uule womimvo ntano sho ka dhenge mo Haudano nookoola 5-1 koopenalti. Eliuda Haufiku gokoHaudano oye uulikwa oye ependa lyoVigo omanga Thomas Shikongo gwOkatana SS oye a ulikwa omudhani omwaanawa muudhano mbuka wa FNB Classic Clashes

“Ngashingeyi otatu dhiladhila konima, kombinga yesindano melongekidho lyuudhano mbuka woFNB Classic Clashes womumvo 2017,-, otatu pandula ayehe molwiilonga yawo yeitulemo, osho wo okudhana mombepo yuudhano. Olya li ethimbo tali kumitha newanawa lyuudhano na otatu tegamene ishewe olweetho luudhano mbuka womumvo 2018 sho tawu ka tameka’ osho Omuwiliki gwomakwashilipaleko moFNB,Gordon Pokolo a ti.

Omudhani dhingi muudhano, Thomas Nghipandulwa Nehale SS

LEAVE A REPLY

Please enter your comment!
Please enter your name here