Ya yugwa aanona komulilo

0
160

Loide Jason

ONGWEDIVA-Aanona yaali oya si, ombaadhilila ehuliloshiwike lya piti sho ya pile megumbo. Omulilo nguka ogwa dhipaga aanona yaandja Andreas Katoma momukunda Okathitukalyokotsandi moshitopolwa Omusati.

Oshiningwanima shika sha halutha omukunda aguhe osha ningwa taku tengenekwa lwopotundi onti-16:00 pegumbo mpoka moshikandjohogololo shaTsandi moshitopolwa shaMusati. Kundana moonkundathana nomukwanezimo, Erasmus Katoma okwa hokolola kutya oshiningwanima shoka oshikumithi osha holoka ethimbo ndyoka omanga aakuluntu yali ya ya kefumviko. Katoma okwati efumviko olyali li li popepi na osho sha etitha aakuluntu ayehe ya ye yo aanona mboka yena oomvula ne noomvula ntano ya kale oyo ayeke megumbo. Okwa ti oshi etithi shomundilo ngoka kashi shiwike oshoka omundilo sho gwa monika mbaka yaali oya adhika nale ya lunguna po thiluthilu sigo oponghatu ndjoka itaya vulu oku dhimbululwa.

Omupambele okwa hokolola kutya aakwanezimo oya ipyakidhila nomalongekidho gefumviko, ashike otaya katekwa kashona sho gumwe gwomoonakusa ina adhika ena omukanda gwoshilongo ano onzapo yevalo.
Ashike okwa tsikile ko kutya omolwashoka kutya oonakusa aanona aashona efumviko itali kwata ethimbo, konima ngele iinima ayihe ya potonoka.

Oonakusa oye tseyika nomadhina Klaudia Matias gwomimvo ne na Sheetheni Wilbard gwomimvo ne.
Mbaka aluhe megumbo ohaya kala mo nahekulu na yinakulu nosho wo yina ya nakusa gumwe.Aasi, mbaka gumwe omumati nomukwawo omukadhona.

Omupopiliko gwopolisi moshitopolwa shaMusati, Warrant Lineekela Shikongo okwa ti ota ku fekelwa kutya ngiika oonakusa oyali taya dhanene omundilo omanga aakuluntu kaa ye mo, yo konima ngiika taya ka holama mondunda moka ya pile. Shikongo okwa ti ngiika shoka osha etitha iinima mbyoka yali moondunda yi hwame omundilo nokufika oondunda adhihe.

LEAVE A REPLY

Please enter your comment!
Please enter your name here