Asparagus natango ondjodhi oshoka inayi tameka

0
44

Loide Jason

ETUNDA-Nonando Ngoloneya gwoshitopolwa shaMusati Erginus Endjala a ninga omasiku ta kwandjangele miipopiwa ye noshikwamboga shoAsparagus shoka anuwa tashi kunwa mEtunda, oshinima shika nani natango ondjodhi. Aakwateli komeho yethaneko ndika lyokukuna oshikwamboga shika yaza koSpain oya ti epangelo lyaNamibia ka li na mo oshitopolwa momathaneko ngaka.

Oshilonga shika oshawo oyo ayeke ya hala okukuna oshikwamboga shika noku shi tula moondoha. Jan Velthuysen gumwe gwaakuluntu moprojeka ndjika okwa ti shoka yo taya longo ngashingeyi osho okuopaleka ehala lyoshikunino shawo mokukutha mo iithindi noku opaleka ehala alihe kaali kale lya luudha. Okwa ti konima yaashika otaya ka tula mo uuhoho mumwe nevi opo wu kale wu li pamuthika gwoopalela okukuna oshikwamboga shoka. Velthuysen oku na einekelo kutya ngele ayihe oye ende nawa ngaashi yo ya thaneka nena otaya ka kuta aantu oyendji okuza moshitopolwa shaMusati moka omo muna opoloyeka ndjika.

Oprojeka ndjika oya pewa evi lyohecta 60 odho tadhi ka longithwa okukuna oshikwamboga shoka. Iilonga mbika otayi ka kuta ashike aaniilonga oyendji pethimbo lyeteyo, oshoka pethimbo tashi kunwa ihashi pumbwa aaniilonga oyendji.

Omukuluntu gwendiki ndika okwa, shilipaleke kutya aakalimo unene yomoshitopolwa moka oyo taya ka pewa oompito dhiilonga mbyoka tayi ka holoka po.

“Mboka taya ka mona iilonga unene ongaashi aapangeli, aafikili nosho wo yakwawo mboka yena uunongo tawu ka pumbiwa uuna ofabilika tayi tungwa,” osho omukuluntu gwopolojeka ndjoka a ti .

Ashike ngoloneya gwoshitopolwa shoka Endjala okwa ti ngele oshikwamboga shika osha mene moshitopolwa shika otashi humitha komeho oshitopolwa.

Oshimeno shika oshafa omano gomiihwa. Na ohashi koko uule wometa yimwe oku uka mombanda. Okwa ti shika otashi gandja iilonga oshoka otashi koko uule woomvula ndatu na otashi vulu okumunwa uule woomvula 20.

LEAVE A REPLY

Please enter your comment!
Please enter your name here