Joshua oye Miss Helen Van Rhjin Primary School 2017

0
118

Tuulikki Abraham

Lüderitz-Ndapewa Joshua omulongwa mondodo onhiheyali poPrima fikola Helen Van Rhjin oye a findana po epapa lokaadona dingi neudo.
Efiyafano olali ko Etitano ladja ko, moshinyanga shoyoongalele sheongalo laAnglican moLüderitz, omo oukadona 11 vali vakufa ombinga.
Mefiyafano eli ova katuka oikando itatu, oshikando shotete ova katuka veli moumbulukweva vaxupi, oshikando oshitivali, tava katuka veli moikutu veinduluka voo vene ya longwa meenailona, opo nee moshikando oshititatu shoo osho sha xuuninwa, ova katuka veli moikutu, oyo hakutiwa, oikutu yokuya koivilo yokonguloshi.

Ndapewa Joshua oye ayi nekopi lokaadona dingi, a landulwa ku Magret Negumbo oo a findana po ekopi lo 1st Princess, taku shikula Anna Kanenye, a findana po ekopi lo 2nd Princess, omanga Enith Masala oye a findana ekopi laMiss Personality.

Joshua okwa findana po ekopi omolwenyamukulo liwa olo a yandja, eshi a pulwa kutya ngee okwa findana po epapa loMiss Helen Van Rhjin otaka longa shike okuyambula po ofikola oyo?

Enyamukulo olo a yandja, nomahodi taa pololoka moshipala, okwa ti , ngee okwa findana po epapa loMiss Helen Van Rhjin 2017, ota ka xwaxwameka, opo ku endelelifwe, etungo losaala pofikola yavo, opo ovanafikola vakale vena osaala yofikola, omo tava kala nokuningila oyoongalele ya yooloka, nokuningila mo yo oivilo yoludi ngaali, loMiss Helen Van Rhjin, ndele va ha kale vali no ku ka indila eesala keefikola nokoikondo ya yooloka modoolpa.

Ovo vali tava yandje oitwa ovo Abigail Gariseb, Travis Matthews na Gilde Shawa. Omulongifikola po Helen Van Rhjin Lilly Rauberheimer, okwa tumbula kutya efiyafano lokakadona dingi ola enda nawa, nokwa pandula omahangano oo avatela opo efiyafano eli li dule okuningwa.

Helen Van Rhjin ofikola ina ondondo okudja poPre-Primary ndele fiyo ondondo 7.

LEAVE A REPLY

Please enter your comment!
Please enter your name here