Oshituthi Oktoberfest sha tseyithwa

0
38

Pinehas Nakaziko

Windhoek-Oshituthi shokomumvo shedhina Windhoek Oktoberfest shonuumvo, osho sha tseytihwa pambelewa moshilandopangelo Etiyali lya piti.

Nuumvo oshituthi shika otashi ka dhanenwa pokapale koSKW Sport Club mo Pioneers Park muKotomba 27-28. Oshiindingili shika osho shimwe kaakunawe muAfrika, osho wo mondjalula yomainyanyudho muNamibia sha etwa po ko Namibia Breweries Limited (NBL).

Shika oshikando oshitihamano oshiindingili tashi ka ningilwa pokapale oko tuu haka, moka ya kala ookume aanene yopothingo no NBL.
Aalongekidhi oya tseyitha kutya nuumvo oshituthi oshahuma komeho, notashi ka etelela omayinyanyudho ogendji no mawanawa, okuza komandaaniso, oku imba, niiningwanima oyindji yomainyanyudho.

Aalongekidhi oya tseyithwa ishewe kutya oya mona po kuume omupe gwoEuro Wings, ngoka a tseyitha kutya aasindani dhingi pethigathano ndyoka ishewe tali kakala poshituthi shika otaya ka sindana olweendo okuya koMunich moNdowishi, taya katuka nondhila yiilonga yomombepo ya Euro Wings.

Oshituthi okwa tengenekwa sha koko moku hokiwa uule womimvo dhapiti sho kwa ndhindhilikwa aataleli po yoshituthi shika ya ningi oyendji. Poshituthi ota pukakala ombiila ndjoka yedhina Fest Bier, ya dhungilwa owina, noya nuninwa oshituthi shika.
Oshiithanene shika otashi ningilwa mootenda oonene dhombiila muna iitaafula iile niipundi yoombaanga ngaashi ashike sha kala noku ningwa omimvo ntano dha piti. Omaludhi agehe goombiila ga Namibia Breweries’ ota ga ka landithwa pethimbo lyo Oktoberfest
“Festbier” oombiila ndhoka otadhi kala dha dhungilwa owina omolwoshituthi shika.

Oombiila dha dhungwa ku NBL dhedhina Camelthorn Weissbier oshowo Erdinger Weissbier nadho otadhi ka monika poshituthi shoka. Oshituthi shaWindhoek Oktoberfest ohashi dhimbulukwa nokutyapula omithigululwakalo dhoshiNdowishi dhoshili dha nwethwamo kohokwe yombiila yomoshilongo ndjoka yongushu. Onkene manitha oshituthi sha Windhoek Oktoberfest noku zala momizalo dhopahedhi dha Bavaria dhedhina ‘Dirndl’ kaakiintu oshowo ‘Lederhosen’ kaalumentu.

LEAVE A REPLY

Please enter your comment!
Please enter your name here