Allex naShyer ya galuka noalbuma ontiyali

0
91

Pinehas Nakaziko

Windhoek-Aakwanambwiyu moongalo, Allex naShyer, oya pititha oalbuma ontiyali yedhina Don’t Judge Metitano lyoshiwike sha piti.
Oalbuma ndjika oyi na ehwata lyoongalo 14, mwakwatelwa uungalo mboka wa li wa piti tango omvula ndjika ngaashi Wendy, Helena naKuchi Kuchi. Mbuka owa li wa nyanyudha oyendji. Oongalo dhawo ndhika ndatu adhihe odhali dha piti nuuvidio wadho, nowali wa talika nawa koyendji kepandja lyoYou Tube.

Ongalo Wendy oyo yili ponomola yotango, na otayi popi ohole pokati komukiintu nomulumentu, yo oyo yimwe yomoongalo dhawo ndhoka oombwaanawa, okuza moalbuma yawo ontiyali tayi ka pita omwedhi tu uka.

Okavidio haka, ka tulwa kumwe paunongononi no ka thaanekwa kuDavid Grand moWindhoek, ota ke shi enditha nawa koopolohalama dhoTiiVii moshilongo ngaashi NBC Jukebox Top 10, noYo Music Video Count Down, One Africa.

Ponomola ontiyali otapu adhika ishewe ongalo Chore Mbunda, ndjoka yi na omulyo gwoKwasa, no ya imbwa melaka lyoOrukwangali, Otjiherero nOshiwambo. Allex okwa ti ongalo ndjika itayi ka thiga omuntu a kuutumba.

Moalbuma otamu adhika ishewe ongalo Promise, moka taya kwathelwa ku Dama Monique, tayi popi kombinga yohole.
Ongalo Naambo yoShambo ndjoka yili ponomola ontine moalbuma oyo ndjoka hayi opalele piituthi ngaashi yoohango. Aayimbi mbaka yaali oya pandula ishewe aahikingalo ooyakwawo ngaashi Dama Monique naJay R, sho yali ye ya kwathele moku imba.

LEAVE A REPLY

Please enter your comment!
Please enter your name here