A dhipaga omukiintu nokwiimangeleka molwa oHIV

0
2619

Loide Jason

ONGWEDIVA-Omukadhona gwoomvula omilongo 23 okwa ningi gumwe gomiihakanwa yomaso taga ningilwa aakiintu sho anuwa a shashwagulwa nekatana komulumentu gwe, ngoka a imangeleke konima ashike sho a longo iilonga mbika yuudhudhu.

Okwa hokolwa omulumentu nguka gwedina Teofelus Hashikoto (22) ngoka anuwa a zile kOkongo moshitopolwa shaHangwena naRauha Hanna Mbendeka gwomukunda Omahalya, moshikandjohogololo shAanamulenge ya kala yena ekwatathano lyiihole ethimbo nuule moka ya kale taya zi pamwe mOvenduka yena mo okanona kawo kokadhona. Ihe aniwa Hashikoto okwa monika ombuto yoHIV na osha kala nduno keshi uvite. Shika oshe ya sigo oponkatu moka a tameke okuhepeka Mbandeka ngoka ye a li inaa monika ombuto.

“Okuza mpoka ohole inayi enda we nawa oya ningi ondulu, ye omukadhona ota tokola aye kegumbo komukunda kaakuluntu ye,” osho gumwe gwomoonzo ndhoka dha popi naKundana dha ti.

Okwati Hashikoto anuwa okwa landula nakusa kaandjawo eta lombwele aakuluntu ya Mandeka kutya ye ke na wee ngoka ta ka kala naye ena ombuto omanga omona gwawo ngoka eyi mupa e mu etha.

Aniwa aakuluntu oyali ya zimine a kale megumbo uule wethimbo efupi ye a wa pe okushuna kaandjawo koKongo ihe aniwa nguka okwa kala nokuninga omatilitho kutya ngele inaya hala a kale megumbo ndyoka nena ota pu kala omidhimba mbali.

Aakuluntu nena oyati kutya aniwa nguka naye oshoka mOshiwambo omulumentu iha otekwa megumbo lyaakuluntu yomukadhona.
Nguka nani inaya shili kOkongo, okwa kala owala a holoma pomukunda sigo esiku limwe ndjoka a mone ompito yokuya kegumbo lyooMbandeka noku mu dhipaga, omanga aakuluntu ya li ya za mo megumbo.

Oshiningwanima shika osha ningwa nduno mOmaandaha gwoshiwike shika megalanga lyomutenya pomukunda gwedhina Omahalya, moshikandjohogololo shAanamulenge.

Okwa hokololwa kutya Hashiko omunamivo okwa haha Mbandeka nekatana olutu aluhe, shoka sha fala sigo eso.
Mbandeka anuwa okwa adhika aniwa a endjelela momuti guli popepi lwopaandja Mbandeka a imangeleka noomiya dhoongaku.
Okwa hokololwa kutya nguka aniwa okwa imangeleke ashike konima sho a dhipaga omukadhi.

Seargent Lineekela Shikongo omupopiliko gwopolisi moshitopolwa shaMusati okwati kutya mbaka oya hokololwa yali yeli mohole ethimbo ele na shoka sha etitha sigo omeso moka kasha shiwike.

LEAVE A REPLY

Please enter your comment!
Please enter your name here