Enzuna dhingi mOkahandja otali tothwa mo ongula

0
39

Maria Namupala

ONDANGWA-Ethigathano lyokakadhona dhingi mOkahandja olya tegelelwa li kaleko Olyomakaya ndjika. Ethigathano ndika otali ningwa oshikando shotango sho kwa longekidhwa omauliko giipindi gaagundjuka yomomudhingoloko ngoka.
Aalongekidhi yethigathano ndika oya holola kutya shika osho shotango mondoolopa tamu longekidhwa ethigathano ndyoka, tali kala lyopandjokonona, unene kaagundjuka mboka oyo yi inekelelwa oshiindingili shika.

Gumwe gwomaalongekidhi Sandro Ithana okwa ti oontana nomanzuna ga za kiitopolwa ayihe yoshilongo oga tegelelwa ga ka kuthe ombinga methigathano ndika nokuulika iitalenti niipewa yago.

“Iiyindingili yoludhi nduka ohayi longekidhwa nelalakano okugandja ompito kaakadhona mboka ye na ehalo oku ulika iipewa yawo, naamboka ya tokola no ye na omukumo neinekelo mwene. Ethigathano ndika kali na kayoya, kehe gumwe oto vulu okukutha ombinga patokolo nopahalo lyoye mwene,” Ithana ta ti.

Ithana okwa ti oshiindingili oshinene ota shi kala ko Olyomakaya pokapale ka NauAib mondoolopa ndjoka, no tashi tameke komatango sigo okwa toka. Aahikingalo yomomudhingoloko ngaashi Oshinanena, Jay R, Born Stunner, Sleepwalkers na yalwe okwa tegelelwa ya ka nyanyudhe aayenda poshiindingili shoka.

Ethigathano olya kwashilipalekwa ko HI5 Lounge, Ricc Media, Sunshine Car wash, Rough Beats trading, Kashipu brand nomahangano galwe ogendji. Oontana dhanelende omulongo otadhi ka kutha ombinga moka tamu ka za ontana nenge enzuna dhingi ndyoka tali ka zalekwa iishani niingoli yopashinanena.

“Otwa taamba omwaalu gwaa indili ogundji no twa hogolola ,mo aakadhona omulongo mboka ya tegelelwa ya ka kuthe ombinga momasiku ngoka twa thaneka, shino oshi li oshitopolwa shethigathano kehe lyomukadhona dhingi
Omalongekidho ogeli miilonga okuninga wo omathigathano ngaashi ndika moondolopa dhilwe.
Okwa pula unene aagundjuka ya kale ya holoka koshiindingili, shika.

LEAVE A REPLY

Please enter your comment!
Please enter your name here