GUMWE OKWA PULA ATI… Omumwandje kadhona okuhole omulumentu a hokana

0
860

Epulo: Ondi li moshipilili shomumwandje gomukadhona gwoomvula 23. Oshiwike sha piti okwa tseyithile ndje kutya omumati gwe omupe oku mu vule pavalo. Osha ka holoka konima kutya nguka okuna omimvo 48! Oku na wo omukulukadhi naanona yaali, mboka nguka iipyakidhila okuthiga po, opo eye a kale nomumwandje. Ngame kombinga yandje onda geya noonkondo, onda haluthwa, onda sithwa ohoni no ndi uvite ohoni nonda ngwangwana. Omumati nguka omupe omukuluntu nokomukulukadhi gwandje ngoka e na omimvo 46. Ngame ondi na omimvo 55.
Omumwandje kadhona okwa hala ndi tsakaneke omulumentu nguka, ndele ngame onda haluthwa na onda geya unene kutya omulumentu nguka gomimvo ndhika e na niinakugwanithwa ye oti ihumbatele shike momukalo nguka.
Ondi na oku shi enda ngiini? Ngame onda gugwa no nda sa ohoni okushipopya pookuume kandje.

Eyamukulo: Uuwehame woye ondi wu uvite. Nonando otandi dhiladhila kutya ngoye ino pumbwa okukala wagugwa kombinga yasho.
Shoye oshali okuputudha omumwoye nokumulonga nkene e na okukala omukuluntu ngaashi tashi vulika.
Pomimvo 23 otashi vulika ke uviteko nawa onkalohole, ndele nee ye okwa koka. Onkalo yoye oyo omayambandjodhi gomukuluntu, ndele ka yi shi oshinima inaa shi monika nale.

Ha ye gwotango gwomaakiintu aagundjuka okugwila mohole nomulumentu omukuluntu eli mondjokana yaana ombili.
Pethimbo ndika ondi wete epuko ndyoka to ningi sho wa kutha ko oshinima shomumwoye we shi talela mu ngoye mwene. Iitya ngaashi onda gugwa, nda sohoni nonda haluthwa” otayi ulike kutya ngoye ino tala kombinga yenyanyu lyomumoye ndele owa tala ashike kehogololo lye nonkene ndika tali gumu onkalo yoye.

Nando shika oshidhigu , owa pumbwa oku ikutha mu sho noku tala muule kutya omolwashike omumoye a hilwa okuya mekwatathano nomulumentu a hokana.

Shimwe, omimvo dhomulumentu nguka inadhi simana unene okuyeleka nefamilia ndyoka eli popepi noku thiga po.
Ngaashi ashike ngoye wa endele meteke po lyondjokana, owu na owino ya gwana oku uvako oshilanduli shetopoko lya tya ngaaka. Ngele owa tindi okumu tsakaneka nena shika otashi tidhile omumoye momaako ge na ngoye oto kanitha oonkondo dhoku simanekwa kuye.
Okutinda okutsakaneka omulumentu ngoka omumoye uuvite e mu hole ota shi kala epuko enene. Ngele owe shi ningi nena shika otashi gandja oonkondo adhihe miikaha yomumoye ngoka ta kala e ku tala wa fa omwiinayi.

Ohole ohayi vulu okukala omposi , onkene ngoye oto vulu okutala nawa nawa omulumentu nguka a eli mohole nomumoye. Ngele owa tindi okumutsakaneka nena oto mu tumine miikaha ye, nenwethemo lyoye kombinga ye otali kala lyaana we oonkondo dha sha.
Ondi uvite kutya omolwashike inoo halela mbaka ya ye kumwe, ndele ngele owa hala ewi lyoye li uvike, nena owu na okugandja ompito opo ye ku pulakene. Onkene okumu tsakaneka owu na okushi ninga, ngele hasho okwaa hala kwoye nokutinda kwoye otaku kala ashike kwakankamekelwa komadhiladhilo goye mwene kombinga yomulumentu ngoka ndele ina ga thikama kontseyo yoku mu tseya kutya omuntu omukwashike naanaa.

Eyooloko moomvula kali na unene oshilonga, shoka osho owala ngaashi haya ti omimvo odho ashike omiyalu.
Oto vulu okupopya kutya omimvo 20 ominene okuyeleka nomimvo 10 nosho tuu.

Opu na aanandjokana oyendji ya hokananathana no ta ye shi enditha nawa ndele mbaka pokati kawo opena omayooloko omanene moomvula dhawo.

Owa pumbwa okutala nawa kutya etompelo lyokutinda kwoye oli ni naanaa omanga inoo tegelela wu pulakenwe wo nawa. Aasamane yamwe ohaya kala nuudhigu uuna oyana ya tameke oku ulikila aalumentu yalwe ohole, naashika osha fa osho tashi ningwa kungoye.
Elalakano lyoye nali kale okuetapo

Onkalo yengungumano osho wo mundjoka muna oonkundathana dhili nawa no tadhi gandja omatompelo unene tuu kombinga yiinakugwanithwa mbyoka omumoye e li poku itsika komapepe ge.

LEAVE A REPLY

Please enter your comment!
Please enter your name here