Omupresindente Geingob pelangeko lyomuwiliki gwAngola

0
263

Omutoolinkundana

Windhoek-Omutse gwoshilongo ogwa li moLuanda shaAngola Etiyali oshiwike shika okukala peganithilo miilonga lyaJoao Lourenco ongo Omuperesidente omutitatu gwAngola.

Omundohotola Hage Geingob, nOmukokoliperesidente Omundohotola Sam Nujoma, oya li petaambo lyiilonga yuuwiliki wAngola kOmuperesindente omuhogololwa Joao Lourenco lya ningilwa moLuanda oshilandopangelo shAngola Etiyali oshiwike shika.
Namibia na Angola oye na omakwatathano omawanawa gopailongo iyali osho wo omakwatathano gopandjokonona, ngaka ohaga nkondopekwa wo komatalelo po gaakwanepangelo yopombanda.

Etaambathano ewanawa lyewiliko moAngola endhindhiliko ewanawa moshitopolwa shoSADC nomenenevi lyAfrika , omuperesidente Hage Geingob a ti. Okwa popi ndhika kaatoolinkundana pethimbo a thiki moVenduka okuza koshigongi shIigwana Hangano oshiti-72 moNew York nosho wo kelangeko miilonga lyomupereisdente Joao Lourenco gwAngola. Ominista nale yEgameno oya ganithilwa iilonga yuuwiliki wAngola etiyalo oshiwike shika. Oye omuperesidente omutitatu gwAngola okuza sho oshilongo sha manguluka momumvo 1975 na ota landula Jose Eduardo dos Santos ngoka a wilike oshilongo shoka omimvo 38.

Geingob nomukokoli president Sam Nujoma oya li poshituthi shoka.
“Tse otwe shi ninga nawa nopamukalo guudemokoli.Otwe shi pondola okuwilika elunduluko lyetu na out uvite uugumbo molwasho” Geingob a ti. Okwa kombo Dos Santos kombunda molwa oshindji shoka a longele Namibia pethimbo lyekondjelomanguluko moNamibia osho wo sho a gandja oshipundi shuuwiliki okupitila momahogololo.

“Ndjika oyo ondjila Afrika epe tali landula. Tse ihatu tindile kiipundi we. Ngashingeyi otuna iikako ya ngambekwa. Naashika osho endhindhiliko ewanawa kuSADC na otatu tanga aaAngola molwoshinima shika” Geingob ati.
Omutse gwoshilongo ogwa ende pamwe nOmukulukadhi gwotango Meme Geingos osho wo Omupevi Prima Minista nOminista yOmakwatathano goPaigwana nElongolokumwe Netumbo Nandi-Ndaitwah.

Orepublika yAngola oya ningile omahogololo m 23 Auguste 2017. Ngaka oga li ga sindanwa po kongundu tayi pangele yoMPLA, ndjoka okandindate yayo yuuperesidente oye omusamane Joao Manuel Concalves Lourenco. Manga inaa ulikwa ongo okandidate yuuperesidente waAngola Lourenco okwa li oMinista yEgameno yoshilongo shoka. Oya ganithilwa oshilonga shoka pamwe nomupevi Peresidente Bonito de Sousa Baltazar Diogo.

Omuperesidente Geingob okwa tsakanene nomuperesidente nale Jose Eduardo dos Santos osho wo okwa kundathana nOmuperesidente opo a yi koshipundi João Manuel Concalves Lourenço.

LEAVE A REPLY

Please enter your comment!
Please enter your name here