Ongwediva Medipark ya ti pii moSocial League

0
81

Shipi Elago

Osipana yaMedipark FC oya thiga po oosipana oonkawo elala moliha konima sho ya li ya sindana shalandulathan momaudhano goliha ndjika.

Osipana ndjika nuumvo oye ya ya kwata onyati konima sho ya li ya hunutha okusindana po ekopi ndika omvo gwa yi , na oyi li ngashingeyi ya tulila po oosipana oonkwawo eyooloko niitsa 17 na oyi li popepi noku sindana ekopi ndika oshikando shotango konima yetote po lyoliha ndjika. Unam Engineering ngoka a li a sindana po ekopi ndika omvogu okwa tulamo ongela yokonima oshoka nando oku li puutiyali oku na ashike iitsa 12 okuyeleka naMedipark e na iitsa 29. UNAM ota kondjele ehala ndika naStandard Bank ashike omupya omunene oongoka kutya oosipana ndhika odha li dha geeyelwa shoka sha etitha opo mbaka ya kanithe iitsa, Standard Bank okwa kuthwa iita ye UNAM oshitsa shimwe.

Omunashipundi gwoliha ndjika Olalekan Ajani okwa holola kutya oosipana ndhoka odha li dha kuthwa iitsa oshoka odha li dha ndopa okwiiyutha koompango dhaa hikihiya.

Ehuliloshiwike lya ziko Katima United okwa li a dhenge Mweshipandeka 3-0, omanga Ongwediva all Stars ya li ya hanagulapo Standard Bank 3-0. UNAM Engineering okwa li eshi pondola okudhenga Old Mutual nookoola 3-0, ye Medipark FC ta hanagula po All Stars 5-1.
Nestor Israel gwa Medipark FC oye a tulamo oshipandi shookoola odhindji sho ena ookoola 12, ta landulwa ku George Iiyambo ngoka ena ookoola 8 naye ogwOngwediva Medipark, ta landulwa ku Risto Iimbondi gwo Standard Bank ngoka ena ookoola 6 yo na Yotham Simasiku ngoka ha dhanene Katima United, Lambert Walfried gwoMedipark oye te etelele okano nookola ntano. Oliha ndjika oya totelwe po konima yoomimvo mbali ngashiingeyi na otayi koko neendelelo ohayi nana omangungo gaatali mboka olwindji ha yeya okuyambidhidha noku tidha po ezaza lyehuliloshiwike.

Konyala oosipana ndhoka hadhi kutha ombinga moliha ndjika odhindji odhaa niilonga momahangano gopaumwene. Anjani okwa dhenge omuthindo pushimwe shomiilalakanenwa yoliha ndjoka, shoka osho okukutha aantu moondingosho noku ya eta pamwe pamukalo tagu tungu okupitila momaudhano. Ta ti osha kala omukalondjigilile moshilongo shetu kutya ngele omuntu okwasa ezaza nena okuna ashike okuya kuundingosho opo anuwa a ka kuthe po ezaza ashike puundingosho olwindji oha ka kanitha ashike oshoka iikolitha otayi kondjitha oonkondo dholutu lwe.

LEAVE A REPLY

Please enter your comment!
Please enter your name here