Oraata yegameno yoUN ohayi kwatha tuu Afrika

0
28

Oraata yEgameno yIigwana Hangano olutu lwa simana, na olwa tumine oonkalo dhiilongo yimwe ko International Criminal Court.Omapeko ogendji ga tuminwe kohofaa ndjoka ogaza miilonga ya Afrika.Onkene osha simana okukonakona nawa omathaneko gokulundulula oraata ndjika .

Okushi talela momakende gaAfrica ompumbwe yokulundulula omutungilo gwo UNSC oya ngongwa mo momushangwa uvathano gamo limwe lyedhina “Ezulwini Consensus” lyomomumvo 2005. Eziminathano ndika olya kalelapo tutye ewi limwe lya Afrika komathaneko gelundululo momutungilo gwIigwana Hangano. Omushangwa otagu longo kombinga yiiyetwa po mbyoka ya guma iilongo yaAfrika. Konima yomimvo 10 dha piti inapa longwa sha. Eziminathano ndika olya li ashike omuhapo gwopapolitika, nenge tut ye gwafa ashike ondjamba ontokele nenge to ti omatandangole ethimbo kehe oto ti omeya nani etango ashike tali fike omalundu.

Olye mbela ta yumudha po euvathano ziminathano ndika? Opwa pita ngashingeyi omimvo 12 no ina pa ningwa sha.Iigongi ingapi yiigwana Hangano ya ningilwe okuza mpoka? Osha puka okupula ngele edhiladhilo ewanawa ndika otashi vulika kaa li na siku li tulwe miilonga? Ngele omuntu owa tala nawa euvathano ziminathano ndika oto mono mbika tayi landula. Uuukumwe wAfrika owa dhiladhila elunduluko miihampi yomaludhi gatatu. Ngaka ogo egameno lyomuhanga, nekeelelo, egameno lyomuhanga nelongitho lyoonkondo osho wo nee elundululo lyomalutu gIigwana Hangano.

Iinima mbika itatu otayi ithanwa oyo ongundhi dhoshinyolwa shika. Omadhiladhilo gontumba oga kwatelwa mo moongudhi ndhika ndatu.Ongudhi yotango ya simana oondjoka yegameno lyomuhanga neshongo lyokukeelela omaupyak oluhepo neyonagulo lyomudhingoloko.
Ongudhi ontiyali oyi na sha nelongitho lyoonkondo.Okushi talela momakende gopaveta yopaigwana, ongudhi ndjika oya simana oshoka otayi longo noshinima shoku gamena.Iilongo yaAfrica oya zimina okuyalula omakankameno goveta yopaigwana.

Ishewe oya zimine kutya otaya kala ya kutha ombinga momahangano gopashitopolwa okukaleka po ombili negameno mu Afrika. Omukanka gwaashika ogwa zi metompelo kutya UNSC osho wo Oshigongi shaayehe shIigwana Hangano oyili kokule nomahala gomakuyunguto.
Africa okwa kala ehala lyomakuyunguto iikulwa ihaa yi hulu, osho wo omaumboko gomapangelo kiipundi niita yopashigwana. Oshinakugwanithwa okugamena[ Responsibility to Protect (RtoP/R2P] eutho ndika olya longithilwe miita yomoLibya pethimbo lyomumvo 2011. Euthoh lyoR2P olya li lya longithwa opo ku tulwe miilonga omahala moka itaa mu tukwaa koondhila dhiita.

Epulo oondika ngele euvathano ziminthano ndika olya li lya simanekwa pethimbo lyiita yomoLybia. Shika oshi li ngeyi molwashoka Uukumwe waAfrika owa hogolola okutaamba eidhopomo lyoNAT0 shampa ndyoka tali endele pamwe naandyoka lyoraata yEgameno yIigwanaHangano.

Mboka taya ti elongitho lyoonkondo moLibya olya li lyo nayi otaya ka popya kutya NATO okwa li ena okupula epitikilo kIigwana Hangano moshinima shika. Mboka taya fala omathaneko ngaka komeho oye na okutala nawa kombinga yeutho lyoya moshilongo shontumba ngele otaku hokololwa kutya osha pumbiwa okuya moshilongo shontumba okukeeleka omadhipago ngaashi ngoka gopamuhoko nosho tuu.
Oshinima shika osha simana osho aaAfrika ya ziminathana, Ya ti oshitopolwa shika osha simana sho tashi dhenge omuthindo kutya elongitho lyoonkondo olya simana ashike uuna tali longithwa sha uthwa kokatokolitho okati 51 kokatokolitho taka leshwa pamwe noveta ndjoka tholomithapo Uukumwe wa Afrika.

Onkene mboka haya pangulaoshinima shika naye ye po nomatompelo kutya omautho ngoka oga yonwa.

LEAVE A REPLY

Please enter your comment!
Please enter your name here