Sarty Shihweka dhingi muudhano woNetball-Old Mutual

0
58

Shipi Elago

OSHAKATI-Okakadhona kedhina Sarty Shihweka komosekundo ya G.T oko ka li ka hogololwa dhingi okashona muudhano woNetball Olyomakaya ga zi ko puudhano wa Old Mutual woosikola mOshakati.

Sarty omunamimvo 16 omunasikola gwomondondo ontimulongo okwa li a fuula mboka ye li mokangundu kena oshinakugwanithwa sho ku tala mboka taye shi enditha nawa opo ya pewe omapapa gwo pa wu mwene.

Sarty okwa li a kuthileko Kundana olweendo lwe mokatanga komokambamba , ta ti okwa li a hokithwa uudhano mbuka komudhani dhingi moNamibia Anna Kasper ngoka ha dhanene osipana yopashigwana yonetball.

“Onda li nde mu tseya tango okupitila moRadio yoTiVii na uudhano we owa li wa fuula ndje, oshikando oshitiyali onda li nda mono ompito yokumumona sho a li kuudhano koRuacana hoka natse wo twa li tatu kutha ombinga, omukiintu nguka oku na ontseyo muudhano mbuka onkene oku li lela emanya lyokolonela monkalamwenyo yuudhano wandje,” Sarty ta ti ngaaka ti imemeha nomahodhi genyanyu taga pononoka koompanda.

Okwa ti ekopi ndika halyo lyotango ta mono ihe ndika olyo ekopi etiyali lyopaumwene ta mono monkalamwenyo ye okupitila muudhano. Okwa ti okwa hala okuninga omudhani dhingi moNamibia, na okwa hala wo okudhanena osipana yopashigwna.

“Uudhano woNetball onde wu tameke sho nda li mondondo ontihamano posikola Otjihozu Primary moRuacana mpoka nda sikola okuza mondondo yotango sigo ontiheyali, omanga inaandi ya ndi tsikile ondondo ontihetatu koG.T, hoka nda tsikile noku landula uudhano mbuka nando oshali oshidhigu okudhana oshoka onda li omushona no ku dhanena osipana yosikola na olwindji onda li nda kala aluhe kondje yokapale naashika okonyala shi ningithe ndje omwenyo omwiinayi na ondaale ndi thige po uudhano mbuka,” Sarty ta ti. Ashike onda kala ha ndi itsu omukumo opo ndaaze mo muudhano mbuka oshoka mungame omwa li mweya etedho tali ti siku limwe ompito yoye otayi keya. Okwa ti omaudhano oga simana noonkondo meputudho lyomuntu oshoka, kakele koku dhanena esindano, omaudhano ohaga longo aantu ya kale aavuliki oshoka ngele oto dhana owuna okwi iyutha koompango ngele hasho oto pewa uukalata.

Sarty Shihweka , kepulo kutya oha topola ngiini ethimbo lye lyokwiilonga nuudhano,”olwindji ngele onda kanitha ethimbo muudhano ohandi kambadhala oku li futilapo uusiku, sho tatu popi ngeyi ooyakwetu mboka ihaa ya kutha ombinga momaudhano oye li ta ya lesha onkene ngele onda shuna kosikola nena nangaye otandi ka tameka noku penuna omambo opo ndi kale tandi endele pamwe nooyakwetu, Shihweka ta ti nohamu.

Okwa ti okwiilonga mo oshindji mosipana yaG.T unene sho olwindji aadhani haya dhana ye na osikola yawo komutima naashoka oshe ya kwathela oku adha omasindano ogendji.

LEAVE A REPLY

Please enter your comment!
Please enter your name here