Uudhano wetanga lyokoompadhi waagundjuka

0
30

Omutoolinkundana

Windhoek-Oshiputudhilo shopashigwana shomithigululwakalo shUukumwe wa Europa nenge (EUNIC) moNamibia otashi hanganitha omanongelo gahetatu moWindhoek, okupitila muudhano wetanga lyokoompadhi lyaagundjuka nenge “EUNIC 2017 Youth Football Tournament’.
Mbuka otawu kalako ehulilo shiwike ndika posikola yaWindhoek International. Muudhano mbuka oospana ndatu ndhoka tadhi ka sindana otadhi ka pewa omakopi noombandi. Oospana ndhika ota dhi ka pewa wo okukutha ombinga momainyanyudho ngaka: okuhinga uuhauto[go-karting], oku umba uutati nokulonda .

Omanga uudhano mbuka inaa wu tameka Olyomakaya, otapu ka ulikwa ookino dhi na sha netanga lyokoompadhi moEuropa , ndhika otadhi ulikilwa po Goethe- Institute Namibia noposikola yoWindhoek International School.

Omauliko goofilima ndhika otaga tameke nena, na otaga hulu konima yehulilo lyuudhano mOlyomakaya. Okuya mo wu ka tale ofilima nenge wu ka tale uudhano mbuka omutali ita futu sha.

Aadhani yokohi yomimvo -15 aamati naakadhona yomoosikola Windhoek High School, St George’s Diocesan School, Concordia College, Jan Jonker Secondary School, Jakob Marengo Secondary School, Physically Active Youth Namibia, Fidel Castro School and Marthi Ahtisaari Secondary School oya tungu po oospana.

Ndhika otadhi ka kondjithathana noospana oku za ko Goethe-Institut Namibia, Institut Namibia, Franco Namibian Cultural Centre, Embassi ya Finland, Instituto Camoes, British Council, Embassi ya Portugal, Embassi yaSpain osho wo ombelewa yomukalelipo guukumwe waEuropa moNamibia.

“Ongundu ya EUNIC Namibia, ohayi kala niinyangadhalwa yomithigululwakalo okukoleka ekwatathano ewanawa pokati kiilyo yoEU naNamibia.

Oku adha shika ohatu gandja oompito opo aagundjuka ya kuthe ombinga miinyangadhalwa yopahedhi iipe moEuropa.
“Etanga lyokoompadhi osho shimwe shoka Namibia na EU haya dhana, onkene otatu longitha ompito ndjika okuhumitha komeho omaudhano ga yooloka osho wo ombepo yuudhano mokati kaakuthimbinga.’ Daniel Stoevesandt omuwiliki gwoGoethe-Institute Namibia nosho omunashipundu shoo Chair of EUNIC Namibia a ti.

Oshilyo kehe shaEUNIC Namibia ohashi hogolola osikola ndjoka tayi shi kalele po muudhano mbuka.: Germany – ota kalelwa po koWindhoek High School, Namibia – Concordia College, Finland – Marthi Ahtisaari Secondary School, France – Jan Jonker Secondary School; Spain – Physically Active Namibia, Portugal – Jakob Marengo Secondary School, Great Britain – Fidel Castro School; omanga European Union – St George’s Diocesan School.

LEAVE A REPLY

Please enter your comment!
Please enter your name here