Chief Inspector Shigwedha a tindilwa obooloha

0
1089

Maria Namupala

ONDANGWA-Omupolisi gwaNamibia ha longele moVenduka ngoka a holoka mompangu yaMangestrata oshiwike shayi ta tamanekelwa onkambadhala yedhipago ina pewa iifutile mo mondholongo.

Omutamanekwa okwa holoka komeho gaMangestrata Peter Nangula ta tamanekelwa onkambadhala yedhipago. Otaku hokololwa Chief Inspector Festus Angula Shigwedha anuwa a umbu noku yaha aanona yatatu momukunda Uuyoka moshtiotopolwa Oshikoto.

Shigwedha okwa li a ya kehulilo shiwike kegumbo lye kUuyoka. Omanga anuwa ali megumbo lye okwa mono uuyelele wa tema mepya, naasho a tala hoka okwa mono aanona yatatu taya fadhuka po.

Pahapu dhopolsi omutamanekwa okwa kutha ondjembo ye noku umba uukitha hoka kwali aagundjuka mbaka. Okwa yaha Aron Jesaya mombunda, a yaha Nakwafila Gabriel kokwaako ye ta yaha Sandrah Joshua kokwaako kokolulyo, aanona ayehe oya li moombete moshipangelo shaNandjokwe.

Omutamanekwa okwa li a pula aantu mboka yeli mepya lye ye ye puuyelele ashike oya fadhuka po, shoka sheeta a kuthe ondjembo nelalakano lyokwiipopila. Okwa li uumbu ondjembo, nani ooholo odha kwata aanona mboka.

Okwa holoka Omaandaha mompangu ya mangestrata gwOndangwa komeho ga mangestrata Peter Nangula moka a fatululilwa uuthemba we, nokwa ti otaka konga omupopiliko gwe gopaveta, te mu futu ye mwene.

Oshipotha she oshu undulilwa ko 20 Desemba nuumvo, shi gandje ompito kopolisi yi manithe omakonakono, nokwa tseyithilwa kutya ita vulu okupewa ompito yeifutilemo manga molwaashoka omakonakono gopolisi ogeli petameko elela, notaka shi vulika e ga ye moshipala.
Shika osha ningwa uusiku wokupendukila Osoondaha, nomutamanekwa okwa li ti ilongekidhile olweendo lwe a shune kiilonga koshilandopangelo esiku ndyoka.

Ota kala a dhigininwa kopolisi sigo esiku ndyoka taka holoka ishewe mompangu.
Veziruapi Hindjou oye ali a kalelapo epangelo.

LEAVE A REPLY

Please enter your comment!
Please enter your name here