Eithano lya Eboue moshiponga

0
83

Emmanuel okwa yile koEngelanda okuka konakonwa ishewe, konima sho anuwa kwa monika kutya omunamimvo 34 oku na ombuto yoHIV, pahokololo lyoshikundaneki Goal Turkey.

Omaipulo kombinga yuundjolowele wa Eboue oga hololwa ehuliloshiwike lyayi sho omukalelipo gwe, Tekin Birinci a nyola kiikundaneki yonkalathano kutya, oshoshili otuna eshongo lyopaunamiti kombinga yaEboue. Oku na okuya koEngelanda, opo tu kale twa tseya kutya shika oshiwinayi shi thike peni. Omahokololo otaga ti Eboue okwa monika ombuto konima sho a manitha omakonakono gopaunamiti nospana yedhina Turkish Cypriot Turk Ocagi Limasol pethimbo ndika. Omudhani nale gwokonima mospana yoArsenal okwa adhika kee na we ospana konima sho a thigi po Sunderland ndjoka a li a dhanene sigo omuMaalitsa 2016. Goal okwa li a pula Birinci opo a koleke oshinima shika sha Eboue, ndele nee ye okwa tindi okukoleka omahokololo ngoka ga ziilile miikundaneki yomoTurkey a ti inapa ningwa natango omakonako gopambelewa sigo oompaka. “Eboue okwa shaina nokalaba ndjika ngaashi ashike hashi ningwa apehe, tse otwe mu fala a ka konakonwe paunamiti,” osho a ti. “Oya adha iinima mombinzi ye mbyoka yaa li nawa onkene inaya vula oku mu pa uuthemba wokudhana na otwe mu fala koEngeland opo a talike nawa paunamiti hoka.”

“Osha puka pethimbo ndika okutya omudhani nguka oku na HIV. Oolopota dhiikundaneki yomoTurkey odha puka. Onde shi popi shu ukilila kutya nonando ando oshikale shoshili shika inashi nyanyangidhwa.”

Omanga inaa joina Arsenal 2005, Eboue okwa dhanene ospana ya Belgium yedhina KSK Beveren.
Omu Ivori Coast nguka okwa li ha dhana mospana yoASEC Mimosa ospana yetanga lyokoompadhi moshilongo shaandjawo.
Eboue okwa dhanena Arsernal lwiikando 215 pethimbo a kala mpoka omimvo hamano muumbangalantu waLondon.Okwa tula mo ookoola 10 nokwa kwathela metulo mo lyookoola 20. Eboue okwa li ependa lya simanekwa kaayambaidhidhi yaArsenal.

Konima yokudhanena Arsenal, Eboue okwa yi kospana onene yokoTurkey yedhina Galatasaray, hoka a sindana oliga yoshilongo shoka nospana ndjoka iikando iyali.

LEAVE A REPLY

Please enter your comment!
Please enter your name here