Jamaika a topoka nongundu X-Batuanas

0
86

Jamiaka ota ka tseyitha noku ulika ishewe oalbuma ye yedhina Welcome Me, mesiku lyevalo lye Olyomakaya ndjika pehala lyomanwino lyoSundok Bar and Entertainment Centre moDonkerhoek Katutura.

Oalbuma yaJamaika ndjoka yi na omulyo gwoongalo omwaanawa oyo yimwe tayi ka mona Jamaika te shi enditha nawa mehangano lyoongalo ongomuhikingalo oye awike, no yi na omulyo gwoongalo gwa yoolokathana.

Jamaika okwa ti, nkene aza okwa kala a hala oku imba oye awike, noku lyoina ehangano lyo X-Batuanas okwali oku igwedhelako koshitalenti she, noku tseya okulonga pamwe naahikingalo ooyakwawo.

“Ngame onda inekela moku ninga iinima ongame awike, naashika ohashi pendje ompito ombwaanawa opo ndi tale mpoka nda thikama,” Jamaika ta ti ngaaka.

Jamaika okwali a imbi pamwe nongundu ndjika X-Batuanas okuza mo 2013, moka yali yatameke onga aandanisi yomuhikingalo Ees.
Ees okwali ape aandanisi mbaka ompito ombwaanawa, nokuya ninga opo ya vule okukwatitha omaimbilo gawo, ngoka gali ga holoka methigathano lyokugandja omapapa kaahikingalo dhingi aaNamibia.

LEAVE A REPLY

Please enter your comment!
Please enter your name here