Nakufya Muharukua ota pakwa mo 14 Kotoba poHeroes Acre

0
90

Helvy Shaanika

ONGWEDIVA-Ovakwanedimo vanakufya Angelika Kazetjindire Muharukua, ova tambula ko edilaadilo lepangelo opo a pakwe konhele oko haku pakwa omapendafule aNamibia hano koHeroes Acre. Okwa ningwa omafiku taku li kundwa ngeenge omufimanekwa Muharukua oo vati a li a ulika ehalo a pakwe a shaama naxe manga ali momwenyo na wanifilwe po ehalo laye, ile na twalwe konhele yomapendafule opashiwana. Oshivike eshi, omupresidente Hage Geingob okwa shivifa kutya nakufya Muharukua otaka pewa epako lefimaneko lopaupendafule, ashike kali a shivifa kutya eshi otashi ningilwa koHeroes Acre ile okomukunda wavo.

Ofamili paife oya tambula ko edilaadilo lepangelo na nakufya ou ota pakwa Olomakaya yomafiku 14 Kotoba koHeroes Acre moWindhoek. Gavena Muharukua okwa xulifila Osoondaxa eshi eli denga po meumbo laye moVenduka, taku fekelwa kutya okwa fya kedengo lomutima.
Pefimbo eshi a xulifa, nakufya Muharukua oye ali gavena wOshitukulwa shaKunene, oshilonga osho ali eshi hoololelwa kuPresidente Hage Geingob mo2015. Manga ina ninga Minista, Muharukua okwali meumbo lopashiwana omo a tulwa mokomupresidente Sam Nujoma, nopefimbo laPresidente Hifikepunye Pohamba okwali Minista wopedu wOukashike koOkanhu. Pefimbo a xulifa, okwali ena eedula 59.
Omusamane waye Festus Kenatjironga Muharukua okwa xulifa muMarch 2015, a fya omeva eshi etuwa laye la kungululwa po molulamba komukunda wavo Ovinjange momudingonoko wOpuwo.

Oshivilo dimbuluko shaye otashi kalako eti 13 Kotoba moVenduka ,ndele nee mangha eshi inaashi ningwa otapa ka ningwa omadimbuluko koshitukulwa shaye . nonando aa inaa shivika nawa kutya otaa ka ningilwa peenhele dilipipo. Omonamati Veundjua Tjiumbua okwa kokele nokutya ina otaka ningilwa edimbuluko pombila yaxw oshoyo pu yomusamane waye.Ndele nee edimbuluko lopambelewa koKunene inali kolekwa fiyo opapa ngeenge otali kala mOpuwo ilo okomukunda wavo Ovinjange. Eshi otashi ka shiivifwa oshivike tashi uya.

LEAVE A REPLY

Please enter your comment!
Please enter your name here