Oilonga yomapekapeko aUNAM moLuderitz

0
38

Tuulikki Abraham

LüDERITZ-Opoloyeka yoku etapo olusheno okudilila momhepo oyo haipepe neenghono modoolopa yaLüderitz, oya yandjwa ku muni waLiindili. Opoloyeka eyi, Lüderitz Wind –Power Demonstration Project, oya totelwe mo 2006 modoolopa yokomunghulofuta, onga omalolelo a nghene olusheno tali dulu okuholokapo okudilila momipepo tadi shingwa komhepo.

Ndakolonghoshi Mukapuli omukwatakanifi moprojeka Lüderitz Wind Power Demonstration, okwa tumbula kutya oprojeka oya totwapo novakwatelikomesho veli li naku lili mwakwatelwa noYuniversiti ya Namibia, opo va dule okulongela kumwe momalolelo oludi eli. Omafiku a djako Omupedu Chancellor moYunivesiti ya Namibia, Omuprofesori Lasarus Hangula nosheendo shaye, ovali veuya koLüderitz, nelalakano okuyandja pambelewa omipepo doku nduluka olusheno odo, di dule okulongifwa, unene tuu ko projeka yokuhondja oikutu oyo ili ponhele opo pena oprojeka ei.

Omuprofessori Hangula okwa tumbula kutya, oprojeka Lüderitz Wind-Power project otai ka kala nokulongifwa kovalihongi moikondo ya yooloka osho yo kovahongi mo Yuniversiti ya Namibia, mokuninga omapekaapeko, a nghene odjo youshitwe, omhepo tai dulu oku etapo olusheno olo tali dulu okulongifwa.

Pefimbo eli olusheno olo tali di momipepo domhepo oli li tali longifwa koprojeka yokuhondja. Ovakainhu ovo veli moprojeka omo ohava longifa olusheno olo tali di momipepo domhepo dili nhatu.

Kolusheno oko va tula omashina oo tava hondjifa, loo olusheno olo tali minikile monduda omo hava hondjele.

LEAVE A REPLY

Please enter your comment!
Please enter your name here