Ongwediva otai ka pata eengeleka neembaa domaweelelo

0
341

Helvy Shaanika

ONGWEDIVA-Omolwa omaweelelo oo mahapu unene mOngwediva, elelo lodoolopa, melongelo kumwe nopolifi modoolopa yaNgwediva ova kufa ko eenghaku mokukelela omaweelelo modoolopa, notava kakufila onghatu yopaveta ovo itave ke li ufa keeveta domalelo eedolopa.
Omupopiliko wElelo laNgwediva Jackson Muma okwa lombwela oifokundaneki kutya omanyenyeto modoolopa omolwa omaweelelo taadilile unene meendingosho nomudimwe domeengeleka okwa lunda pombada, nomonakudiwa ovanambwelewa ova kala va taalela omashongo kutya omukundu ou otave u kandula po ngahelipi.

“Efimbo limwe ohatu yakula ongodi, omukwashiwana ta nyenyeta omaweelelo. Eshi ovanambelewa vetu ngeenge wa i ko konhele oko ku na omaweelelo, omunhu oha shunifa ashike embako pedu eshi a kalelwa kovanambelewa. Ngeenge ova pilameneko ye ota tula vali oraadio yaye moule,” Muma ta ti ngaho.

“Hano okudja nena ngeenge eenhele odo hadi eta omaweelelo modoolopa ina di eta po eluduluko, opolifi otai ka kufa eenghatu nokutula oveta moilonga oyo ya kwatela mo oku kufa ko eelisinisa neembapila dikwao odo tadi yandje omaufemba okungeshefa ile okukala po kweenehele nhele yonumba opo ku xulifwe po epiyaaneko lomaweelelo kovakali mo vomeedoolopa,” Muma ta weda po.
Ta ti elelo lodoolopa yaNgwediva lo ota li ka yambidida opolifi mokumona kutya oveta ei oya kalekwa po ngaashi naanaa shi na okukala.

Omolwa omukundu ou, elelo moshinima otali ka longela kumwe nopolifi. Oomalelo eengeleka odo da kala nokulopotwa omolwa eweelelelo nao okwa popiwa nao.

“Ovanhu vamwe oh ava uhala efiku alishe koilonga, ndee efimbo lokufuda po ongeenge va i komaumbo avo, ndee meenhele dimwe oto hange omunhu ta piyaanekwa kemweelelo tali di oshinano shee meta 500. Eshi ita shi dulu okuli didimikilwa,” Muma ta meda po.

Muma okwa weda po yo kutya, elelo laNgwediva otali twikile nokukwatafana novakalimo modoolopa okuva pukulula kombinga youpyakadi welongifonai lomalodu, nekakako lowangadjo pamukalo womaweelelo. Sho noshiwana otashi twikile okupewa omhito shi yandje omawedelepo asho nomakemo.

LEAVE A REPLY

Please enter your comment!
Please enter your name here