Kalux a pititha oalbuma Tuhafeni

0
112

Pinehas Nakaziko

Windhoek-Omwiimbi gwoongalwo dho RnB no Afro-pop, nomvalele yaTjiwarongo, Saggarias Karunga, a tseyika nawa nedhina Kalux, osho a pititha oalbuma ye ontintatu yedhina Tuhafeni omasiku ga piti.

Ndjika oyo oalubuma ndjoka Kalux a longa nawa nuudhiginini nokwe yi luku Tuhafeni, molwa aaholi yoongalo dhe. Okwa hala mbaka, ya kale yi inekela muyo yene, yo oye holathane, ya longele kumwe.Ishewe okwa hala mbaka ya wape ya nyanyukilwe pamwe ngele taya pulakene oongalo dhe.

Moalubuma otamu adhika oongalo ngaashi Isa, hoka keli moshiDamara Nama hoka kali ka piti onga oka single pamwe nokavidio kako. Okavidio ota ka dhanwa nawa noku inyenga lela komapandja goIntaneta, ngaashi koYou Tube. Okavidio haka okathaanekwa kuBonie, oku za kehangano lyo 2by2 Video’s.

Moalubuma otamu adhika ishewe ongalo Crazy Crazy, ndjoka natango itaa yi ka thiga omuntu a kuutumba.
Kalux ota ti eyooloko pokati koalubuma ndjika oondyoka okutya mwaa ndjika ompe okwa kwathelwa kaahikingalo aashona, shi vulithe moalubuma ye ontiyali.

Ongalo ndjoka Onde Ku Ndjulukuwa, oomoka muna Kalux ta imbi shinene ngaashi eshiwikile okuza nkene a tameka noku imba kwe. Oalbuma oya ningilwa omikwelengendjo kuStwo, Da Prodigy, Kallo On The Beat, nokuye mwene pamwe nehangano lye lyo Superstar Records.
Kalux ota ti paife ota longo  nuudhiginini nokwa manamo oshoka okwa tegelelwa aka kale a ulika uunongo we moshilongo nopondje yoshilongo mefudho ndika tuli ngashingeyi. Kalux omvalele yomOutjo nokwa putukila mOtjiwarongo moka a kala ha yi kosikola.
Omunamivo 24 ngoka ali a holokele mehangano lyoongalo omathimbo ngaka okwa tseyika koyendji sho a li a sindana limwe lyomomakopi goNAMAs, nokangalo ke hoka Hafifange oomvula mbali dhapiti.

Oalbuma ye Ontiyali yedhina Ayeeko, okwali yataambiwako koyendji, noyali konyala yadhana oshilongo ashihe.

LEAVE A REPLY

Please enter your comment!
Please enter your name here