Maniki Printing a gandja iikutu kuA Class Football Academy

0
44

Shipi Elago

OSHAKATI-Omunangeshefa gwomOshakati Hafeni Shikulo gwongeshefa yoManiki Printing, okwa li a kutha oshiputudhilo shokatanga ko koompadhi onkayi sho A.Class Academy shomOshakati sho e shi pe iizalomwa yetanga.

Maniki ngoka eli omuholi gwomaudhano koshitwe okwa gandja iikutu yolwaala olumbulawu iipeepeka mbyoka yi na omushangelo Maniki Printing iikaamusino iimbulawu yi na omakonda omatokele.

Pethimbo a gandja iikutu mbika Maniki okwa holola nkene ena oshigwana komutima ta ti oku uvite kutya uunona owuna okutameka nomawudhano manga kuyele opo ashike tawu vulu okumona iiyimati iiwanawa monakuyiwa.

“Olundji otu hole okukwashilipaleka unene iiputudhilo ngaashi oosikola oshoka omo muna oohiinina onkene sho A.Class Football Academy a li a konkola pomiyelo dhetu otwa li twa mono nkene sha simana oku ya kwathela opo ya hume komeho,”Hafeni ta ti.
Okwa ti ekwashilipaleko ndika olyongushu yooN$5 000, na oku uvite kutya otayi ka kwathela mekoko lyoshiputudhilo shika noku ya pa oshinge uuna ye li momaudhano.

Oshiputudhilo shika shomaudhano oshi li kohi yewiliko lya Alex Iitumba ngoka ha longo shili nuudhigini mependulepo lyomaudhano moNooli unene tuu mOshana.

Alex okwa tseyika nawa onga omudheuli gwosipana yoYoung Chiefs na okuli omulongisikola keyithano ashike nando ongeyi oku na oshiputudhilo she shika hashi dheula no ku zula uunona uushona mokatanga kokoompadhi.

“Pehala lyo A. Class Academy onda hala okupandula Maniki Printing sho uuvu ekemo lyetu noku tu pa iikutu mbika, ondi uvite kutya aadhani yandje otaya ka longa nuudhiginini opo ya tule edhina Maniki pombanda oshoka okwe ya pa oshinge,” Alex ta ti.

Oshitopolwa shaShana osho shimwe shina iiputudhilo yomaudhano oyindji , kepulo kutya ngiika shika otashi kwathele ngiini omaudhano Alex okwa li a holola kutya miiputudhilo mbika uunona ohawu pewa omadhewo gopetameko lela ngoka ta ge wu kwathele okukala wu na ofundamende yetanga yakola.

Okwa ti olwindji sho iilongo ya Africa hayi ndopa okuninga nawa momaudhano go pauyuni omolwaashoka olwindji aadhani ohaya tameke okudhana okatanga kokoompadhi kwa toka, na kayena uunongo wopetameko.
Onkene ota indile opo iitopolwa yilwe moshilongo yi tameke nooAcademy opo ya tsike omaudhano muunona manga wu li pethimbo lyomimvo dhopetameko lela.

Okwa ti aadhani ayehe mboka tuna ya za koNooli haya dhanene mosipana yopashigwana paife ngaashi Benson Shilongo, Absalom Iimbondi na Bejamin Nenkavu oya pitila moAcademy dho mOshakati nOngwediva na oshe ya kwathela okutunga po onakuyiwa yawo yomaudhano.
Okwa ti uuwanawa wumwe woAcademy owo mboka kutya aadhani ota ya kokele pamwe na otaya kala yeshi uukwatya wooyakwawo onkene otaya vulu okuetapo osipana yi na omwago.

LEAVE A REPLY

Please enter your comment!
Please enter your name here