Muzanima mokakuma molwa ‘lunga i tapula’

0
620

Loide Jason

OUTAPI-Omunamimvo 37 omuniilonga muuministeli wuunamapya koshikondo shomeya gomomikunda okuli modholongo sho anuwa a pula yinagona a fute ooshimaliwa opo a wape okumutulila mo omeya megumbo.

Egeelo ndika olya li lya gandjwa mompangu yaMangestrata mOutapi moshipolwa shaMusati. Shoka she etitha emangepo lyomulumentu nguka oshali sha longelwa mondoolopa omo tuu moka , muuministeli moshitopolwa moka.

Okwa hokololwa kutya petameko lela lyomumvo nguka Elifas Muzanima okwali a pula yinagona a fute oshimaliwa shi vulithe pooN$2000 opo a wape a endelele po okutula omeya ge megumbo ngaashi tashi vulika.

Omutamanekwa nguka ota kala oomvula ndatu dhu udha mondholongo opo a gwanithe po egeelo lye ndoka a tokolelwa mompangu.
Oshoka aniwa yinagona ngoka okwa hokanwa suwala ye okwa tokola opo a patulule oshipotha shuukengeleledhi nosho wo okwi iyambapaleka. Paumbangi mboka wa tumbulwa momukanda gwompangu, Muzanima anuwa okwa taamba iimaliwa oshikando oshitiyali omanga omeya ga li ga futwa nale mombelewa.

Onkee omupanguli Otto Muyeghu, okwa ti shoka Munzanima a ninga oshi li kondje yoveta na ote shi kutha ko onga elongitho nayi lyombelewa yoshigwana.

Muyeghu okwa ti omupangulwa nguka okwa fundja kutya oha longo noku kwatakanitha omeya nosho wo okutula po oowili dhomeya omanga eli ashike omulongi gwokomake mombelewa ndjoka.

Okwa ti kutya oombangi odha li dha pewa omauyelele ga puka komupangulwa shono sha kwata ethimbo ele owili yawo yomeya yi tulwe po sha pula nokuli aniwa mwene gwegumbo a kale ta ende oshinano okuza koLuderitz opo eye kOutapi a pule shoka sha ka tekitha omeya ge.
Omupanguli okwa ti Muzanima shika osho oshipotha shotango mokukala mwenyo kwe .

Muzanima okuna aanona yeli omugoyi, ina hokana, okuna ondondo ontimulongo 12, na okwali ha sile yina oshimpwiyu ngoka a kulu pa noonkondo adhihe.Onkene okwe mu pe egeelo lyomimvo ndatu mondholongo.

LEAVE A REPLY

Please enter your comment!
Please enter your name here