Omukulupe ena uulema womeho ota hepekwa komutekulu

0
369

Loide Jason

ONKUNGA-Omukalimo gwomOnkunga moshikandjohogololo Outapi moshitopolwa shaMusati oha dhengwa anuwa komunuulema ngoka tekula, nando nguka oye emu hupitha sho ali a ekelwahi kuyina.

Sarti Shilombweleni okwa ti omutekulu gwe ngoka a valwa komwanagona okwa li a ekelwahi mopate kuyina sho ya kala ye na oontamanana nahe. Okwa ti omunona nguka okwa valelwe ena uukolele ihe konima okwa tameke hasi oshintona shoka sha eta opo a se ombinga yimwe yolutu ndele ta lemana, nongashingeyi iha popi. Uuna Wilem Shailemo a popiwa naye kuyinakulu ndele ina hala oku iyutha kelombwelo lye, nguka anuwa oha dhenge yinakulu na shaashoka toola. Yinakulu ngoka te mu tekula kena oshipala nenge iha monoko.

Omunona nguka a ninga othigwa ngashingeyi, okuna woo uudhigu wokuya kondje. Okuna oomvula 15 ihe aanegumbo mboka oyena oku kala taya kwata onyata kehe esiku. Ngashingeyi omukulupe ota hokolola nolukeno kutya omutekulu gwe okwa pitililwa po kelongo molwuunkundi mboka, na oshoka kayena ontseyo kutya okuna oosikola tadhi vulu oku hitwa koombolo.

“Pethimbo ndika nguka oha uhala ashike megumbo ta toola oombapila shoka tashi ulike kutya okuna ehalo nohokwe yosikola. Ihe kushi kutya oto mufala kosikola peni oshoka kena ka temba ye keshi ku enda oha ipwedha ashike,” dhoka odha hokololwa kuShilombweleni. Shilombweleni ota pandula Kalunga ke sho onkelo ye yi li pegumbo noku mu sila oshimpwiyu no sho wo omunuulema ngoka. “ Ngeno kapwali onkelo yandje ndji yili pegumbo ta yi tu sile oshimpwiyu , ando omumati nguka otashi vulika a monitha ndje oshiponga oshoka olundji oha dhenge ndje,” osho omukulupe a hokolola ngaaka. Omumati nguka oha falwa koshipangelo komakonakono , nomolwashoka ke na okatemba, oha humbatwa a fa a kwiininwa kwaangoka temu fala koshipngelo hoka..

Okwa ti onkalo yomumati nguka otayi yemateke, na okwa pumbwa okatemba opo shi kale oshipu okuya popate mpoka hapu kwatelwa oolefa. Shilombweleni okwa ti okukutha oohauto momutumba otashi pula ondilo nethimbo limwe Shailemo okuna ashike okukwiininwa oshinano sho ntumba opo oohauto dhi monikwe.

LEAVE A REPLY

Please enter your comment!
Please enter your name here