Omunasikola asi sho a iyaha nondjembo

0
2094

Loide Jason

ONGWEDIVA-‘Kaliipo nawa Familia yandje’ mbika oyali iitya ya nyolwa kunakusa omanga ina ikutha omwenyo nondjembo.
Okwa hokololwa kutya nakusa aniwa okwa yi mondunda ya yina nahe omanga ya kotha eta yaka mo ondjembo ndele tayi kondunda ye yokulala eti iyaha momutse nokusa.

Nguka anuwa okwa pitile pekende lyondunda yaakuluntu ye , sho a kutha mo ondjembo ya he.
Okwa shanga etumwalaka efupi pombapila ndyoka tali ti (bye bye family). Nakusa oye Matti Kalondo gwomimvo 21 gwokomukunda Onandjandja moshikandjohogololo shaNesi.

Omupopiliko gwopolisi moshitopolwa shaMusati Warrant Lineekela Shikongo ngoka a koleke onkundana ndjika okwa ti nakusa okwa li omunasikola posikola Onesi Secondary moshikandjohogololo osho tuu shoka.

Okwa ti omudhimba gwe otagu ka tandwa opo ku monike kutya oshike lela she etitha eso ndyoka, na omakonaakono gopolisi otaga tsikile.
Pokati mpoka opwa kundanekwa ishewe okanomatyona komivo 19 ka dhipagwa komunashikola omukwao moshitopolwa shaShikoto. Omupopiliko gwopolisi mOshikoto Deputy Commissioner Naomi Katjiua okwa hokolola Fredrick Mhanda ngoka eli moGrade 8 koKandume Combined School yali taya ende yu uka komagumbo naanasikola ooyakwao, konima sho osikola ya piti mo, sho a ponokelwa nombele kuFillipus Kaali ngoka eli mondondo 9 posikola opo tuu mpoka.

Mbaka yaali anuwa ina ya nyenyeta, ashike Kaali okwa tsu owala omukao lumwe montulu kombinga yokolulyo.
Okwa endelelwa opo andola Mhanda a falwe kOshipangelo kOmuthiya, moka a pitilile mo a felwe andola noAmbulansa koshipangelo kOndjokwe, ihe koshipangelo ina thika ko. Oshiningwa nima shika osha ningwa Omaandaha goshiwike shika. Aakwanezimo ya Mhanda oya lombwelwa nale na Kaali okwa holoka nale mompangulilo yaMagestalata.

LEAVE A REPLY

Please enter your comment!
Please enter your name here