Omuramba United gwasindana po ekopi lyoArsenal mOpuwo

0
39

Shipi Elago

Omuramba United ogwo enyakwa lyuudhano wokomumvo woArsenal mboka hawu kalako aluhe modoolopa yaOpuwo konima sho ya li ya dhenge mo osipana yOtuvero FC petameko lyomwedhi nguka.

Edhingoloko lyahugunina ndyoka lya li lya nana aantu koombinga ne dhoKunene, Omuramba FC noTuvero FC olya li lya thigi aantu oyendji ya lala oshoka ngele oosipana ndhika dha tsakanene shiti oha tekele mbundje aluhe.

Edhingoloko lyotango Omuramba United ogwa li tagu ulike okatanga, na omukwati gwOtuvero FC okwa li ta longo olutayima oshoka omatanga ogali ta ga loko pokoola ye, ashike kehe onkambadhala ya li ya ningwa kOmuramba United oya li ya hulile muunyengwi. Oosipana ndhika sho dha yi pokafudhepo eyalulo olya li 0-0 nando Omuramba ogwa li ta gu ulike uupyakadhi. Okuza pokafudhepo ospana Otuvela oya li ya ningi omalunduluko mokati kokapale, naashika osha li sha lundulula uudhano wOtuvero noonkondo na Omuramba ogwi iyadha gu li koongodhi ashike omukwati gwawo okwa li a lungundja, shokambishi na okwa li eya kutha kohulo yegonga iikando yaa shi okuyalulwa.

Oominute dhahugunina dhuudhano mbuka oosipana ndhika odha li ta dhi monika dha loloka nakehe gumwe okwa li eshi wete kutya oopenalti odho ashike tadhi ka kutha omasipa pokati koombwa.

Pokashiya ka hugunina eyalulo olya li 0-0 na oosipana ndhika odha li dhina oku ya dhi ka tsikinike, ashike aamati yOtuvero oya li ya fa ya thigako oongaku dhawo dhoku thangitha oopelenti na oya li ta ya palutha yo ta ya kwatwamo, yo ta ya thanga nee ngele oomboka haya popi shapitilila ototi pamwe oya li ya zala oongaku oonde nenge pamwe oya pitile pu shafuluka.

Omuramba opo nee hagu shangwa mpoka na ogwa li gwa kutha po ompito ndjoka ya pewa kOtuvelo nomake agehe ta ya dhenge Otuvelo FC noopelenti 3-0.

Omuramba United ogwa li gwa fadhuka po nokapandi ko N$ 10 000 ekopi, noombandi dhoshingoli, omanga Otuvero FC oya li ya pewa ooN$ 5 000 noombandi dhoshisiliveli.

Oosipana mbalin dhoka dha dhengwa kOmuramba nOtuvelo medhingoloko etiyali lya hugunina odha li dha pewa kehe yimwe ooN$ 2 500 opo dhi ki ipolithile nokwiitheta omahodhi.

Puwo Rangers oyo enyakwa lyuudhano mbuka moNetball konima sho ya li ya dhengemo oosipana ne dhoka dhali tadhi kutha ombinga muudhano mbuka.

Omupopiliko guudhano mbuka Johannes Simeon okwa holola nkene uudhano mbuka tawu ende no ku koka modoolopa okuyelekanitha nomimvo dha piti tati shika ota shi etitha oonkondo omolweholokepo lyaatali oyendji.

Ta ti omvula ndjika oya mona oosipana dhaza kiitopolwa konyala ayihe moKunene.
Okwa ti shika oshikando oshitiheyali ekopi ndika ta li dhanenwa mOpuwo na aluhe oha li kwashilipalekwa komunangesefa Sebroni Nghipandulwa gwongesefa yoArsenal mOpuwo.

LEAVE A REPLY

Please enter your comment!
Please enter your name here