Sara Shipuata oye ethamba dhingi mOshikuku

0
266

Maria Namupala

OSHIKUKU-Omukadhona gwomeho omatokele gafa oondago, Sara Shipuata okwa li miikogo sho oye a tothwamo, ethamba dhingi mokati ka yakwawo methigthano lyaMiss Oshikuku omasiku ga ziko.

Nonande hasho oshikando she shotango ta ulikwa ontana dhingi, oshali enyanyu enene kuye sho a pewa ishewe esindano ndika lyomukadhona kaakunawe mOshikuku.

Okwa yambuka mo mu ayehe, nokwali a holola enyanyu lye sho a zalekwa oshishani shokakadhona dhingi mondoolopa ndjoka. Shipuata oku na omimvo 21 nokwa tseyika koyendji mokukutha ombinga momathigathano guukadhona dhingi moshilongo.
Okwa yelitha kutya oku na oondjodhi oonene okuyambula po oshipewa noshitalenti she.

Oku na edhiladhilo nehalo okukutha ombinga momathigathano pauyuni monakuyiwa, ye ta yelutha epandela lyaNamibia mokati kiigwana yuuyuni.

Okwa yambuka kOlupumbu, nokwa hita oondondo dhopevi moshilandopangelo, nokwa mana ondondo onti-12 mosekundeskola ya yaShakati mo 2014. Okwa sindana iishani nomapapa goludhi nduka poompito odhindji. Okwa li omukadhona dhingi moUNAM Hifikepunye Pohamba mo 2015 no 2016, Miss Helao Nafidi 2016, Miss northern campus 2017, noye nee ngashingeyi ontana dhingi mOshikuku.

“ Ngame mwene onda tamekele okukutha ombinga momathigathano goludhi nduka manga ndali mepipi eshona, naasho nda ka kutha ombinga muMiss Otjindombo street ongame nda sindana naashoka osha ningilwe mo 2006,” Shipuata ta ti ngaaka.
Shipuata okuli omwiilongi momvula ontitatu moshitayi shaUnam Hifikepunye Pohamba, ti ilongele uulongi. Okwa kumike aakadhona ooya kwawo mboka ye na iipewa ye yi longithe nawa.

Ontana dhingi ndjika oya dhimbulutha ayehe mboka ya kuthile ombinga methigathano ihe inaya sindana ya tseye kutya. “Aluhe ngele omuntu to yi methigathano lyontumba ohapu kala omusindani nomudopi,nonande kapuna ngoka ha kala a hala okuthigwa po.
Okwe ya kumike yaa tile nokuhunyama, ihe ya kale aakuthimbinga momathigatho po,” Shipuata ta ti ngaaka.

“Okukala nomukumo otashi ku fala komahala ogendji, aakuluntu yandje oya kumike ndje sho ya mono kutya nani otandi vulu okukutha ombinga momathigathano goontana dhingi. Etsomukumo ndika olya koleke ndje opo ndi kuthe ombinga methigthano ndika.
Pakkala Ashipala okuulikwa oye 1st princess omanga Hilma Absalom uulikwa 2nd princes.

LEAVE A REPLY

Please enter your comment!
Please enter your name here