Golden Bigs naKhuse taya tyakaleke oliha yaShana

0
49

Shipi Elago

Uudhano woSecond Division mOshana otawu ende nawa ashike oosipana mbali otadhi tyakaleke oosipana oonkwawo mondjila yoku ninga shanamutango kesindano lyoliha ndjika.

Ehuliloshiwike lya ziko Golden Bigs okwa li a nkondopaleke iitsa ye pombanda yoshitaafula konima sho a li a dhenge mo Foxy Senior 1-0, omanga Khuse a li a dhenge Poison Arrows 2-0 noku kala a kwata Bigs momushila popanda yoshitaafula.
Onelago United oya li ya dhana shithike pamwe na Vietnam Ragers 2-2, omanga uudhano pokati koosipana dhaShakati City na United wa li wa shuulile mu 2-2 moderby ndjoka ya li ya thigi oyendji ta yi ikokota komayego.

Brave Lions na Piscanova oya li nayo yi ithigi othika 1-1, omanga African United a li a hamala Young Brave yaNdangwa 3-1.
Uudhano woAfrican United na Brave Lions owa li wa dhanwa melangalanga lyomutenya naashika oshali sha thiminike aahikihiya opo ya longithe okatendo komoompango dha FIFA hoka ta kati ngele uudhano ota wu dhanwa mepupyu lya kindja nena aadhani nay a kale ta ya pewa okafudhe po komeya naashika osho sha li sha ningwa oshoka omutenya ogwa lita gu pulwa kolutu.

Molwa omutenya ngoka gwa kindja aahikihiya oya li ya pula elelo lyoliha opo li undulile uudhano mboka hawu tameke poyimwe yomutenya wu kale ha wu tameke pone yokomatango.

Ashike shika oosipana inadhi shi kutha ko nawa tadhi tii uudhano woPremier League ohawu tameke pone onkene ngele oya kala nayo ha ya dhana pone nena ita ya ka wapa we oku tala uudhano woosipana dhoPremier League.
Onkene etokolo olya li lya kuthwa kutya uudhano wu tsikile ngaashi shito na oosipana odha tokola okudhana melangalanga lyomutenya.
Omutumba guunkulungu moNamibia gwashaina etso kumwe nomahangano hayoolokathana

LEAVE A REPLY

Please enter your comment!
Please enter your name here