Motinga a indila ovanyasha velitule mo mokulesha

0
136

Keetmanshoop

Tuulikki Abraham-Omunamido 30 odalele yomoKeetmanshoop moshitukulwa sha//Karas Ndapuka Motinga, okwa indile ovanyasha, opo vakale noku lesha, unene tuu oikundaneki, opo ashike tava dulu okulilikolela omauyelele taa pumbiwa.

Motinga ota kumike ovanyasha vakale yoo tava pwilikine eeradio nokutala oTiiVii. Ta ti okupitila moikundaneki omo ashike vo tava dulu okumona omauyelele, nomashiivo, ngee ovanyasha tava shivwa, va dule okukufa ombinga moinyangadalwa yayooloka, oyo tai dulu okulundulula eenghalamwenyo davo.

Motinga okwa tumbula edi meenghundafana na Kundana pehovelo loshivike eshi. Motinga okwali ta yelifa kombinga yomadeulo pukululo e na sha noutoolinghundana oo a kala oule womafiku atatu moKeetmashoop.

Omadeulo pukululo okwa yandjwa kehangano lo Media & Information Literacy Learning Initiative (MILLI)omo ovanyasha vomoshitukulwa sha //Karas ovo aveke vali vakufa ombinga.

Motinga ota hokolola kutya momadeulo e na sha noutoolinghundana oo kwali taa yandjwa, yee okwa li a kufa ombinga mwaoo e na sha no radio, shaashi omadeulopukululo okwali taa yandjwa moitopolwa yopatatu. Kokutya oshikondo shokukufa omafano hano okufaneka, oshikondo sho radio, noshikondo shokuyandja omawi.

“Etumwalaka olo ndina kovanyasha unene tuu ovo veli momaumbo inaa va mona eemhito dokukelihonga, nava kale vena ohokwe yokulesha. Ngaashi ashike ,ame opo ndi mone omhito yokukufa ombinga momadeulo e na sha noutoolinghundana, eshiivo ondeli lesha moikundaneki, ndele handi ningi eindilo.” Motinga osho a yelifa.

LEAVE A REPLY

Please enter your comment!
Please enter your name here