Oshakati Primary ya longekidha uudhano waanona aashona

0
67

Shipi Elago

Oprimasikola yOshakati West oya li ya longekidha omaudhano guunona mboka wu li moshikunino omasiku ga zi ko pokapale kEmanguluko mOshakati.

Osikola ndjoka yi li muuninginino wOshakati oyo yimwe yomoosikola ndhoka dhi na oongundu dhoshikunino onkene oya li ya longekidha omaudhano ga yooloka guunona ta ga kwathele mokutunga po ofundamende yonakuyiwa yuudhano wuunona.

Omulongekidhi nomukwateli komeho guudhano mbuka Julie Hercules okwa ti oya kambadhala okulongekidha omaudhano ngoka uunona ta wu vulu okuninga omathigathano no ta ga nyanyudha wo uunona naatali. Uudhano mboka wa li wa nyanyudha oyendji owo mboka wokumatuka nomagulu ge li mokashako, oshoka aanona oya li shili taya matuka nawa. “Ethigathano ndika ekulu kulu muuyuni na oli holike kuunona oshoka ohali wu nyanyudha unene, onkene nena olyo limwe lya mona aakuthimbinga oyendji li vule omathigathano omakwawo,” Helcules ta ti.

Okwa ti omathigathano omakwawo ongaashi okumatuka neyi lili kolusindo ,okumatuka nuundini womeya , okumatuka nomatayiyela, nosho wo oku kayila.

Helcules okwa ti aanona yomoshikunino olwindji oha ya li wa oshipungo oshoka olwindji ngele osikola oyi na omaudhano yo ihaya kwatelwa mo oshoka aashona. “ Onkene otwa kambadhala opo tu ya kongele ompito yo nayo yu ulike iitalenti yawo omanga yeli pomimvo dhopevi lela.’

“Ondi inekela ngele oosikola adhihe odha pe uunona omaudhano manga wu li pomimvo dhopetameko nena otatu ka kala tuna omanyakwa ogendji moshilongo oku ya moompadhi dhooFrankie Fredericks, Agnes Samaria, Harry Simon nooyakwawo,”Julie ta ti.
Uudhano mbuka owa li wa endele mumwe negongelo lyoshimaliwa moka Helcules a li a holola kutya ota ye ke shi longitha okupendula po oshikandjo shuudhano waanona yoshikunino noku landa iikwathithilongo yagwedhwa po.

Oshikandjo shoondondo dhoshikunino osha gwedhelwe posikola ndjika momumvo 2015 naashika oshikando shotango osikola ndjika ta yi unganeke uudhano watya ngeyi moka Helcules ta ti otaya ningi oompangela opo mbuka wu kale ha wu kalako omumvo kehe.
Ota pandula elelonongelo nosikola ayihe sho ya li ye ya yambidhidha nawa. Konyala uunona wu li 52 owa li wa kutha ombinga momaudhano esiku ndyoka.

LEAVE A REPLY

Please enter your comment!
Please enter your name here